Tshibumba tshia Nsentedi ne Réveillez-vous! bitungunuke ne kukuambuluisha

Mpindieu bumudibu bakose malu a abonema wa Tshibumba tshia Nsentedi ne Réveillez-vous!, nebikengele kuenza muetu muonso bua kuikala bajadike ne: tuetu ne bantu batudi tuyisha katuikadi tupangila nimero nansha umue.

Bibejibeji bia muntu nkayende: Padi abonema webe ujika, vudija bungi bua bibejibeji biutu ulomba ku tshiadijilu tshia bibejibeji. Baledi badi ne bua kulomba bibejibeji bungi bukumbane bua muena mu dîku yonso ikale muntu ne muntu ne tshiende. Kufunda dîna pa tshibejibeji tshiudi muangate buebe nekukuambuluishe bua kuyi kutshiabanya mu buambi to. Padi bibejibeji bifika, bana betu badi ne bujitu bua dibiabanya badi ne bua kubifikisha diakamue ku Nzubu wa Bukalenge.

Kuabanya bibejibeji mu buambi: Bamanyishi badi ne bua kuenza muabu muonso bua bikale ne bantu ba kuikala kuabanyina bibejibeji badi basankidila bulelela ne bajinga bua kuikala bapeta nimero yonso. Kutuadila bantu ba nunku bibejibeji wewe nkayebe kudi kufila mushindu wa kukolesha dijinga dia kumanya bia bungi divuabu baleje ne wa kutuadija malonga a Bible.

Tuikalayi bashindike se: Yehowa neatungunuke ne kubenesha bionso bitudi tuenza bua kumanyisha Bukalenge ku diambuluisha dia Tshibumba tshia Nsentedi ne Réveillez-vous!