Mushindu wa kufila bibejibeji

(Nuangata bia Mfualansa bikala bia Tshiluba kabiyiku)

Tshibumba tshia Nsentedi 15 Lum.

“Udi wela meji ne: mbipepele bua kumanya Nzambi anyi? [Lekela muntu andamune.] Ndi mumanye se: newitabe ne: mbikole bua kuitabuja muntu utudi bamanye anu malu makese patupu adi amutangila. Kadi Bible udi utukankamija bua kukeba Nzambi. [Bala Bienzedi 17:27.] Biena-bualu ebi bidi bituleja mushindu utudi mua kufika ku dimanya Nzambi bimpe.”

Réveillez-vous! 22 mai

“Bamfumu ba matunga mbatete mua kujikija ntatu ya bantu pa kukeba ngenyi kabukabu. Mondializasion (Ndisambulukangana dia mpetu, mamanya ne ngumu mu matunga kakuyi mikalu) ndumue lungenyi lupialupia ludibu benza nalu mudimu. Mu tshibejibeji etshi, udi mua kubala mushindu udi lungenyi lupialupia elu ne buenzeji mu nsombelu webe. Udi kabidi mua kubala kamana bualu kadi Bible mudianjile kulaya.” Pashishe bala Matayo 6:9, 10.

Tshibumba tshia Nsentedi 1 Kabal.

“Malu adi enzeka matuku aa mmafikishe bantu ba bungi ku diela meji bua tshinyi bantu badi kabayi ne bualu badi bapitakana ne lufu lua mu mpukapuka. Ukadiku mudikonke bua kumanya bua tshinyi bantu badi bafua anyi? [Lekela muntu andamuna, ne pashishe ubulule pa tshimfuanyi tshidi mu dibeji dia 7.] Udi wanyisha bua kumanya tshidi Bible wamba pa bidi bitangila umue wa ku nsumuinu idi mitangalake eyi anyi?” Padiku mushindu, bala mvese umue udibu batele.

Réveillez-vous! 8 juin

“Bantu ba bungi batu bamona ne: malu a Nzambi ne a siyanse kabitu bipetangana to. Bakuabu mene batu bamba ne: muntu udi witaba malu a siyanse kêna mua kuitabuja Nzambi nansha. Udi wela meji kayi bua lungenyi elu? [Lekela muntu andamuna.] Tshibejibeji tshia Réveillez-vous! etshi tshidi tshiakuila pa tshiena-bualu etshi ne ngenyi mitokesha bilenga menemene.”