Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabal.

“Udi pebe wela meji kayi: Kudiku mushindu wa kuikala ne disanka nansha mutudi ne ntatu emu anyi? [Lekela muntu andamune.] Tshibejibeji etshi tshidi tshituleja muntu udi mua kutuambuluisha bua kumanya mua kupita ne ntatu yetu bimpe. Tshidi kabidi tshiakula bua malu mimpe adi akolesha ku muoyo adibu batulaye.” Bala Buakabuluibua 21:3, 4.

Réveillez-vous! Kabal.

“Kuenaku umona ne: bipupu bidi bienzeke matuku etu aa mbileje mudibi ne mushinga bua kuteleja padibu batudimuija anyi? [Lekela muntu andamune.] Tshiena-bualu etshi tshidi tshileja malongesha adibu bapete kudi bantu bavua bapanduke ku Tshipepele tshikole tshia Katrina. Tshidi kabidi tshileja didimuija ditudi tuetu bonso ne bua kuteleja.” Muleja tshiena-bualu tshidi mu dibeji dia 14.

Tshibumba tshia Nsentedi 1 Kashi.

“Matuku atudi a bimvundu aa, bantu ba bungi badi bebeja ne: ‘Bua tshinyi kudi ntatu mivule mushindu eu? Bikala Nzambi udiku, bua tshinyi kêna udiangatshilaku malu mu bianza bua kujikija makenga?’ Kutuku muanji kudiela nkonko bu eyi anyi? [Lekela muntu andamune.] Tshibejibeji etshi tshidi tshileja mudi Bible wandamuna nkonko eyi yonso bimpe menemene.” Bala 2 Timote 3:16.

Réveillez-vous! Kashi.

“Lelu’eu, mabaka bungi kabuyi kubala adi amba kufua. Udi wela meji ne: mulume ne mukajende badi mua kupeta nsombelu muimpe bobu batumikile mubelu wa mu Bible eu anyi? [Bala Efeso 4:32. Pashishe lekela muntu andamune.] Réveillez-vous! eu udi uleja mikenji ya mu Bible ikadi miambuluishe bantu ba bungi bua kuikala ne disanka mu dibaka.”