Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kab.

“Udi wela meji ne: Nzambi utu wanyisha bitendelelu bionso anyi? [Lekela muntu andamune.] Tangila tshivua Nzambi umvua pavua bena Isalele balonda bilele bia ntendelelu ya bena mutumba babu. [Bala Yehezekele 6:6.] Tshiena-bualu etshi tshidi tshiandamuna lukonko lua ne: ‘Mushindu utudi tutendelela Nzambi udi ne mushinga anyi?’” Leja muntu tshiena-bualu tshidi mu dibeji dia 9.

Réveillez-vous! Kab.

“Ndi ngela meji ne: utu pebe witaba mudi tshikondo tshidi bana balua basonga tshikole buabu ne bua baledi babu anyi? Udi witaba pebe ne: mubelu udi mu Bible eu udi mua kuambuluisha baledi anyi? [Bala Yakobo 1:19. Pashishe lekela muntu andamune.] Ngenyi ya mu Bible idi mu tshibejibeji etshi neikuambuluishe.”

Tshibumba tshia Nsentedi 1 Kash.

“Tuetu bonso tukadiku bafuishe. Mu tshikondo tshia nanku, udi wela meji ne: Bible udi mua kutuambuluisha anyi? [Lekela muntu andamune. Pashishe bala Musambu 55:22.] Tshibejibeji etshi tshidi tshileja imue ngenyi milenga ya mu Bible ya mushindu wa kupita ne lutatu elu.”

Réveillez-vous! Kash.

“Bena dibaka ba bungi badi ne ntatu mikole, ne mabaka mavule atu afua. Udi wela meji ne: kutumikila mubelu eu kudi kua kukuambuluisha bua kusomba bimpe mu dibaka anyi? [Bala Nsumuinu 12:18. Pashishe lekela muntu andamune.] Tshibejibeji etshi tshidi tshileja mêyi a mu Bible adi mua kuambuluisha mulume ne mukaji bua kukolesha malanda abu.”