Tulongayi mukanda wa Tutendelelayi Nzambi
1 Mukanda wa Tutendelelayi Nzambi umuepele mulelela mmuenza bua kulonga nawu ne bantu bapiabapia kunyima kua buobu bamane kujikija kulonga mukanda wa Bible ulongesha. Dikonkonona dia mukanda eu mu Dilonga dia Mukanda dia Tshisumbu nedituambuluishe bua kumanya mua kuenza nawu mudimu mu buambi; nedituambuluishe kabidi bua kuvudija dinanga dietu ne dianyisha dietu kudi Yehowa ne bulongolodi buende. Tshia kuenza ntshinyi bua dilonga dia mukanda wa Tutendelelayi Nzambi kutuambuluishadi?
2 Mua kulombola dilonga: Bu mutuikala ne bua kulonga nshapita mujima lumingu luonso, batangidi ba dilonga dia mukanda badi ne bua kutabalela bua Dilonga dijike pa dîba. Kabatambi kushindamena pa bikoso bia ntuadijilu to, nunku nebamone mua kupeta mushindu wa kulua kushindamena bikole pa malu adi ne mushinga wa bungi, atu atamba kuikala mu bikoso bia munkatshi mua tshiena-bualu. Dikonkonona mu tshikoso kazubu ka diambulula ku ndekelu kua dilonga dionso nediambuluishe bantu bonso badimu bua kuvuluka malu manene a mu dilonga.
3 Nkonko ya dielela meji ne diyukidilangana idi mu nshapita, tuambe ne: idi bu mu tshia bibidi tshimue tshia mukanda wa Tutendelelayi Nzambi. Udi mua kumona tshilejilu mu dibeji dia 48 ne dia 49. Nansha buobu kabayi babala nkonko eyi padibu babale tshikoso tshidiyi, kakuena bualu to. Padiye uyikonkonona ne bena mu kasumbu kabu, mutangidi wa dilonga dia mukanda udi ne bua kuenza muende muonso bua kubalabu ne kukonkononabu mvese idibu bafile pikalaku dîba.
4 Tudianjile kudilongolola: Didilongolola bimpe bua dilonga ki ndiela anu tulongo kuinshi kua mandamuna to. Dielangana meji dia muoyo mujima pa mvese idibu bafile nedituambuluishe bua kulongolola mandamuna a kufila, kulongolola kabidi mitshima yetu. (Eze. 7:10) Yonso wa kutudi udi mua kukankamijangana padiye ufila mandamuna ne muoyo mujima.—Lomo 1:11, 12.
5 Dilonga dietu dia mukanda wa Tutendelelayi Nzambi nedituambuluishe bua kusemena pabuipi ne Yehowa, kabidi nedituakaje bimpe bua kumona mua kuambuluisha bantu ba muoyo muimpe bua badisangishe netu mu dimutendelela. (Mus. 95:6; Yak. 4:8) Tudi tujinga bua tshidibu balongolole etshi tshiambuluishe yonso wa kutudi.