Mamanyisha

▪ Mikanda ya kufila mu Kasuamansense: Tshibumba tshia Nsentedi ne Réveillez-vous! Padi bantu bajinga bua kumanya bia bungi, nudi mua kufila broshire wa Utulomba, pashishe nuenze bukole bua kutuadija kulonga nabu Bible. Kasuabanga: Dimanya didi difikisha ku muoyo wa kashidi anyi Ntshinyi tshidi Nzambi utulomba? Bikala bantu bakadi ne mikanda eyi, nudi mua kufila mukanda kayi wonso wa kale. Tshisua-munene: Muntu mutambe bunene wa katshia ne katshia. Nudi kabidi mua kufila mukanda wa La Bible: Parole de Dieu ou des hommes?, Miyuki ya mu Mukanda wa Nzambi, anyi Udi mua kuikala ne muoyo wa kashidi pa buloba bukudimuna mparadizu. Tshiongo: Mukanda kayi wonso mupatula kumpala kua 1988 udi tshisumbu mua kuikala nawu mu stoke. Bisumbu bidi kabiyi ne mikanda ya kale bidi mua kufila mukanda wa L’humanité à la recherche de Dieu.

▪ Tshisakidila tshia Mudimu wetu wa Bukalenge wa ngondo eu ‘m’Programe wa Kalasa ka Mudimu wa Teokrasi bua tshidimu tshia 2003,’ nenutshilame bua kuikala kutangilamu malu mu tshidimu tshijima tshia 2003.

▪ Binuikala ne bua kushintulula mêba a bisangilu bia tshisumbu tshienu kubangila mu dia 1 Tshiongo, sekretere wa tshisumbu neafundile biro bia filiale bua kumanyisha dishintuluka edi pa dibeji dia mamanyisha adi atangila dishintuluka dia mêba a bisangilu bia tshisumbu (S-5).

▪ Biro bia filiale bitu bifundila misangu mivule batangidi bena-ngendu mikanda ipitshila mu bianza bia batangidi-baludiki ba bisumbu bidi batangidi abu bakumbula anyi biayabu kukumbula matuku makese kumpala aku. Mikanda ayi idi ne malu adi abatangila anu buobu nkayabu. Batangidi bena-ngendu badi bamba ne: misangu mivule batu bapeta mikanda yabu ayi mimana kukangula mu ntupakanyi. Bua bualu ebu kabuenzeki kabidi, batangidi-baludiki badi ne bua kubala ne ntema dîna dia muntu udibu bafundile mukanda didi pa amvelope yonso udibu bapeta bangabanga ne kumukangula. Nebavuluke bua kuenza nunku nangananga padi tshisumbu tshiabu pabuipi ne kupeta dikumbula dia mutangidi muena-ngendu. Mikanda yonso mifundila mutangidi muena-ngendu nebamupesheyi nkayende sungasunga kayiyi mikangula to.

▪ “Mu Disambombo dia 30 Kasuabanga 2002, bena ku Betele nebikale ne malu a kuenza adi abatangila anu buobu, ne mu Disambombo dia 7 Tshisua-munene 2002 nekuikale disukula dinene dia nzubu ya Betele. Bua nanku, kanulongolodi bua kuya kuendakana ku Betele ta bua kuya kukumbula muanetu kampanda wa kuine aku mu matuku abidi au to bu nuenu mua kusua.

▪ Bikala nimero ya bibejibeji idibu baleje mu dibeji dia ndekelu dia Mudimu wetu wa Bukalenge bua kufila mu buambi kayiyiku to, anyishayi nuikale nuenza mudimu ne maleja a bibejibeji bidiku adi mu nimero ya kale ya Mudimu wetu wa Bukalenge ne nuakaje maleja au bua akumbanyine bibejibeji bidiku mu tshisumbu.

▪ Disque compact mipiamipia idiku:

Anglais: Tunemekayi bukokeshi bua Yehowa (Drama, disque dimue).

▪ Bande ya video mipiamipia idiku:

Muakulu wa tumama wa tshiena-Amerike: La Bible: un récit historique exact, des prophéties dignes de foi (Volime 1); Nsapi wa disanka mu dîku (Volime 1-6).