Mamanyisha

▪ Mikanda ya kufila mu Tshisua-munene: Muntu mutambe bunene wa katshia ne katshia. Mikanda mikuabu inudi mua kufila: La Bible: Parole de Dieu ou des hommes?, Miyuki ya mu Mukanda wa Nzambi, anyi Udi mua kuikala ne muoyo wa kashidi pa buloba bukudimuna mparadizu. Tshiongo: Mukanda kayi wonso wa mabeji 192 mupatula kumpala kua 1988. Bisumbu bidi kabiyi ne mikanda ya kale ya mabeji 192 bidi mua kufila mukanda wa L’humanité à la recherche de Dieu. Luishi: Nudi mua kufila mukanda mupiamupia wa Approchez-vous de Jéhovah. Luabanya: Dimanya didi difikisha ku muoyo wa kashidi. Nenuenze muenu muonso bua kutuadija kulonga ne bantu Bible ku nzubu.

▪ Matuku adi kumpala aa nebatumine tshisumbu tshienu tubeji tua dibikila natu bantu mu Tshivulukilu bua tshidimu tshia 2003 mu muakulu unutu nuenzela bisangilu. Tubeji etu netuikaleku mu Mangala, Mfualansa, Monokutuba, Tshiena lunda, Tshiluba, Tshiluba tshia lolo, Tshisawudi ne Tshitetela.

▪ Nuavulukayi ne: Tshivulukilu tshia mu tshidimu tshia 2004 netshienzeke mu Dia lumingu dia matuku 4 a ngondo muinayi panyima pa dibuela dia dîba. Mbadianjile kumanyisha dituku edi kumpala kua dîba bua bisumbu bitu bisangila Nzubu wa Bukalenge umue bimone mua kudianjila kukeba miaba mikuabu idi bimue mua kuya kuenzela Tshivulukilu. Bakulu bumvuangane bimpe ne muena muaba au bua dituku adi kabenzedipu makuabu malu adi mua kupangisha bua Tshivulukilu kuenzekatshi mu ditalala ne bulongame. Bu mudi tshibilu etshi ne mushinga wa bungi, kasumbu ka bakulu nekasungule mukulu utu ngamba-malu mupiluke, pamutu pa kuikalabu benza muyuki eu bashilangana peshi basungula anu mukulu umue umue tshidimu tshionso. Bikalaku mukulu mukumbane udi muikale muela manyi ne udi mua kuenza muyuki eu, nebamusungule yeye bua kuwenza.

▪ Bamanyishi bonso batambule bikalaku mu Tshisangilu tshia Mudimu tshia mu dia 6 Tshiongo nebapete karte ka Instructions médicales/​Attestation prévisionnelle ne Document d’identité médical bua bana.

▪ Bisumbu bia bungi bidi bilomba mikanda mipite bungi ya Kalasa ka Mudimu wa Teokrasi kadi katuambuluisha. Tudi tujinga kunuvuluija ne: mukanda mupiamupia eu mmulongolola anu bua aba badi bikale balongi mu Kalasa ka Mudimu wa Teokrasi, kadi ki mbua bantu bonso to. Papatukayi mu muakulu utu tshisumbu ne tshisumbu tshionso tshienzela bisangilu, netunutumineyi diakamue.

▪ Mbashintulule mushindu wikalabu ne bua kulombola Kalasa ka Mudimu wa Teokrasi tshikondo tshidi mutangidi wa tshijengu ukumbula tshisumbu tshienu. Kubangila mu ngondo wa kumpala wa 2003, panyima pa musambu ne disambila bia mbangilu, kalasa nekenzeke mu minite mitue bu ku 25. Nekuikale: muyuki wa minite itanu pa ngikadilu wa bungamba-malu, muyuki wa ndongeshilu mu minite dikumi ne malu manene a mu dibala dia Bible mu minite dikumi kabidi. Midimu No. 2, 3 ne 4, kabakuyenza mu lumingu alu to. Panyima pa kalasa, Tshisangilu tshia Mudimu tshianenga minite 30 netshituadije. Panyima pa musambu, Tshisangilu tshia mudimu tshimana kujika, mutangidi wa tshijengu neenze tshitupa tshiende mu minite 30, pashishe nekulonde musambu ne disambila dia nkomenu.

▪ Mikanda mipiamipia idiku:

Mfualansa: La prophétie d’Isaïe, lumière pour tous les humains II​—Maleta manene.

Tshiluba tshia lolo ne Tshitetela: Muntu utu ne nyuma udi kayi ufua anyi? (Trakte No. 25).

Mangala ne Tshiluba: Muntu utu ne nyuma udi kayi ufua anyi? (Trakte No. 25); Tendelelayi Nzambi umuepele mulelela.

Monokutuba: Yehowa nnganyi? (Trakte No. 23); Yezu Kristo nnganyi? (Trakte No. 24).

Tshisawudi: Tendelelayi Nzambi umuepele mulelela.

▪ Bande ya video mipiamipia idiku:

Muakulu wa tumama wa tshiena-Amerike: Miyuki ya mu Mukanda wa Nzambi (Vol. 2 ne 3).