Diambulula dia mu Kalasa ka Mudimu wa Teokrasi
Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 2 Kabitende too ne lua dia 23 Tshisua-munene 2002. Wikale ne dibeji dikuabu pa bule bua kufunda mandamuna a nkonko yonso iudi mua kuandamuna mu dîba dikosa.
[Dimanyisha: Padi diambulula dienzeka, wenze mudimu anu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]
Andamunayi Bulelela peshi Dishima ku biambilu bidi bilonda ebi:
1. Kuela meji bua ngikadilu ya dikema ya Yehowa mbualu bua mushinga budi bukengela kuenza bua kumona mua kusemena pabuipi nende. (Mus. 143:5) [w00 15/10 dib. 4 tshik. 6]
2. Dilungakaja dia mitshi ibidi didibu batele mu Yehezekele 37:15-24 didi ne tshimfuanyi tshiadi mu tshikondo tshietu etshi bualu mu 1919, bavua basangishe bela manyi ba lulamatu mu buobumue mu Kristo, ‘mukalenge wabu umuepele’ ne “mulami” wabu. [Dibala dia Bible dia ku lumingu luonso; tangila w88-F 15/9 dib. 25 tshik. 13.]
3. Nansha mudi bedi ba mpata ya malu a mu Bible babenga bujalame bua malu adi malonda mu mukanda wa Danyele, bintu bikalula mu buloba bidibu bapete mu bidimu bishale ebi mbileje ne: malu adibu bamba ki mmajadika to. [si-F dib. 139 tshik. 4]
4. Padi bualu butudi tumvua buikale bufumine kudi muntu udi umueneka ne bukokeshi anyi udi udiamba mudiye ne dimanya dia bungi, kakuena kabingila kajalame kadi mua kutusaka bua kubenga bualu ebu ne: mbua dishima nansha. [w00 1/12 dib. 29 tshik. 7-8]
5. Tshiambilu “baprofete bakese” ntshikumbanyine menemene mikanda ya ndekelu 12 ya mu Mifundu ya tshiena-Ebelu bua kuleja mushinga mukese wa mikanda eyi. [si-F dib. 143 tshik. 1]
6. Amosa uvua umue wa ku “bana balume ba baprofete” dîba divua Yehowa mumubikile ne mumutume bua kumanyisha mu Yuda ne mu Isalele malu Ende. (2 Bak. 2:3) [si-F dib. 148 tshik. 1]
7. Obadaya 16 wakamanyisha dibutula dia tshisamba tshia Edome bualu tshivua tshikine bena Yuda. (Oba. 12) [Dibala dia Bible dia ku lumingu luonso; tangila w89-F 15/4 dib. 30 kazubu.]
8. ‘Muakulu mukezuke’ udibu batela mu Sefanya 3:9 (NW) udi utangila diumvua diakane dia bulelela pa bidi bitangila Nzambi ne malu ende adiye mulongolole. [Dibala dia Bible dia ku lumingu luonso; tangila w01 15/2 dib. 27 tshik. 18.]
9. Tshivua Yezu mutambe kubungamena bikole mu budimi bua Gesetemane tshivua bualu bivua bimutonde ku muoyo bua muvua lufu luende bu muena tshibawu mubi mua kupendesha Yehowa ne dîna Diende dinsantu edi. (Mat. 26:38; Luka 22:44) [w00 15/11 dib. 22 tshik. 9]
10. Muena “Peleshete” udi mulue “bu tshiota tshia mu Yuda” bu mudibu baleje mu Zekâya 9:6, 7, udi umvuija mu tshiprofete bena mu tshisumbu tshia mikoko mikuabu lelu badibu balongesha kudi “mupika wa lulamatu ne wa budimu” ne babapesha bukokeshi budi bukengedibua. (Mat. 24:45, NW) [Dibala dia Bible dia ku lumingu luonso; tangila w95 1/7 dib. 23 tshik. 14.]
Andamunayi nkonko idi ilonda eyi:
11. Bua tshinyi tudi mua kufuanyikija mudimu wetu wa diyisha ne uvuabu bapeshe Yehezekele wa butentekedi? (Yeh. 33:1-11) [Dibala dia Bible dia ku lumingu luonso; tangila w88-F 1/1 dib. 28 tshik. 13.]
12. Ndifuanangana kayi ne tshikena kumona tshia Yehezekele tshia mifuba miume divua dimueneke mu tshikondo tshietu etshi? (Yeh. 37:5-10) [Dibala dia Bible dia ku lumingu luonso; tangila w88-F 15/9 dib. 24 tshik. 12.]
13. Ntshijadiki kayi tshidi tshitamba kutuisha pa bualu bua ne: mukanda wa Zekâya mmufundisha ku nyuma wa Nzambi? (Zek. 9:2-4) [si-F dib. 169 tshik. 5]
14. Ntshinyi tshidi tshimfuanyi tshia tshimenga mu tshikena-kumona tshia Yehezekele? (Yeh. 48:15-17, Mukanda wa Mvidi Mukulu [Mishonyi, MMV]) [Dibala dia Bible dia ku lumingu luonso; tangila w99 1/3 dib. 18 tshik. 22.]
15. Bilondeshile malu adi mu Yeshaya 2:2-4, bua tshinyi ki mbia meji bua kuamba se: malu adi enzeka lelu mu ditunga dia Israël adi akumbaja milayi ya mu Bible? [rs-F dib. 217 tshik. 2]
16. Ndilongesha kayi ditudi mua kupetela ku tshivua Danyele muenze pakumvuaye mukenji wa mukalenge wa kubenga kusambila nzambi mukuabu anyi muntu kampanda munkatshi mua matuku 30 majima, kadi kusambila anu mukalenge nkayende? (Dan. 6:7-10) [Dibala dia Bible dia ku lumingu luonso; tangila dp dib. 125 tshik. 25-28.]
17. Mmukenji kayi wa Yehowa udi bashadile bamanyisha udi ubavuija bu nyama ya ntambue munkatshi mua bisamba? (Mika 5:8) [Dibala dia Bible dia ku lumingu luonso; tangila w81-F 15/10 dib. 23 tshik. 10.]
18. Tshiambilu tshia se: ‘Wakatubula baluanganyi bende ba mvita mitu yabu ne [milangala ya mfumuabu]’ tshidi mu Habakuka 3:14 (Mukanda wa Mvidi Mukulu, [Katolike, MMM]) tshidi tshiumvuija tshinyi? [Dibala dia Bible dia ku lumingu luonso; tangila w00 1/2 dib. 22 tshik. 15; w81-F 1/11 dib. 29 tshik. 6-7.]
19. Muaku “bumue” udi mu Sefanya 2:3 udi uleja tshinyi? [Dibala dia Bible dia ku lumingu luonso; tangila w01 15/2 dib. 19 tshik. 8.]
20. Bilondeshile Zekâya 8:6, mu bidimu bia kutuadijila mu 1919, mmunyi muvua Yehowa mukumbaje bualu buvua mua kumueneka ku mêsu kua bantu bu budi kabuyi mua kuenzeka? [Dibala dia Bible dia ku lumingu luonso; tangila w96 1/1 dib. 16 tshik. 18-19.]
Kumbajayi miaba idi mishale patupu mu biambilu bidi bilonda ebi:
21. Tudi tuyukila ne Yehowa mu ․․․․․․․․, didi dikale diyukidilangana dietu ne Nzambi ne kanemu kuonso; kadi mushindu munene udiye uyikila netu nku ndiambuluisha dia ․․․․․․․․. (Mus. 65:2; 2 Tim. 3:16) [w00 15/10 dib. 5 tshik. 2-3]
22. Tudi mua kuamba ne: Yezu Kristo ke Mikaele patudi tufuanyikija Yuda 9 ne 1 Tesalonika 4:16, mudibu baleje dîyi didi Yezu utuma bua dibika dia bafue dituadije bu ‘․․․․․․․’; kabidi, dîna edi Mikaele didi diumvuija ne: “ ․․․․․․․․ ․․․․․․․․,” ne didi dileja bimpe ne: Yezu ke udi ntunga-mulongo mu muanda wa dibingisha bumfumu bua Yehowa ne dibutula dia baluishi ba Nzambi. [rs-F dib. 211 tshik. 4-dib. 212 tshik. 1]
23. ‘Dîyi dia kupingana ne kuasulula Yelushalema’ diakapatuka mu tshidimu tshia ․․․․․․․․, dileja dituadija dia mbingu 69 ya bidimu, yakalua kushikila ku dimueneka dia Masiya mu tshidimu tshia ․․․․․․․․. (Dan. 9:25) [Dibala dia Bible dia ku lumingu luonso; tangila dp dib. 190 tshik. 20–dib. 191 tshik. 22.]
24. Yowele 2:31, udi wakula bua dikudimuka dia dîba mu mîdima, udi upetangana ne Matayo 24:29, 30, mudi ․․․․․․․․ umvuija dilua diende bu Muana wa muntu ne ․․․․․․․․. [si-F dib. 147 tshik. 13]
25. Mulayi wa ․․․․․․․․ bua bidi bitangila Ashû ne tshi-mamuende wa bukalenge tshiende, ․․․․․․․․, udi utumbisha buakane bua Yehowa ne bunene buende ne kabidi udi utupesha dishindika dia se: Yehowa neabutule bantu babi bonso. [si-F dib. 160 tshik. 11]
Sungulayi diandamuna dijalame mu tshionso tshia ku biambilu bidi bilonda ebi:
26. Mukanda wa Yehezekele udi uleja ne: Yehowa udi (ne muoyo wa kalolo; mudipuekeshi; munsantu) ne kabidi udi utumanyisha ne: (kuikala ne ngikadilu milenga ya bumuntu; kubingisha dîna dia Yehowa; kuikala muntu mulenga) kudi ne mushinga kupita tshintu kayi tshionso tshikuabu. [si-F dib. 137 tshik. 33]
27. Yehezekele, uvua ne muoyo mu tshikondo tshimue ne Danyele, udi ujadika ne: Danyele uvua muntu mulelela uvuaku, umutela pamue ne: (Nowa ne Yobo; Mose ne Yoshua; Eliya ne Elisha). [si-F dib. 138 tshik. 2]
28. Bilondeshile Danyele 2:34, 35, 45, dibue divua dituta ne dizaze lupingu didi dileja (Armagedone; mukenji mukole wa kabutu udi basadidi ba Nzambi bamanyisha; Bukalenge bua Masiya). [si-F dib. 142 tshik. 20, 23]
29. Tshisamba tshia mpasu ya mikumbi tshia mu tshimfuanyi tshidibu batele mu Yowele 1:4-6 tshidi tshimfuanyi tshia (tshisamba tshia Isalele; bena Kristo bela manyi; biluilu bia bena Lomo). (Bien. 2:1, 14-17) [Dibala dia Bible dia ku lumingu luonso; tangila w98 1/5 dib. 9 tshik. 9.]
30. ‘Bukalenge bua Muana wa dinanga diende’ budibu batele mu Kolosai 1:13 budi (Bukalenge bua Masiya; bukokeshi bua Kristo pa tshisumbu tshia bena Kristo kubangila ku dituku dia Pentekoste wa mu tshidimu tshia 33 B.B. too ne ku lelu; Bukokeshi bua Kristo bua Bidimu Tshinunu). [rs-F dib. 341 tshik. 4]
Suikakajayi mvese idi ilonda eyi ku biambilu bidi kuinshi eku:
Hosh. 6:6; Yoe. 2:32; Zek. 4:6, 7; 13:3; Lomo 12:2
31. Katuena ne bua kulekela bua bilele bia kuetu anyi bia bantu ba tshikondo etshi bishintulula ngelelu wetu wa meji to. [w00 1/11 dib. 21 tshik. 5]
32. Tshidi tshisankisha Nzambi, ki mishiki ya milambu ya tshidingishilu patupu to, kadi ndimuleja dinanga dilelela bua dimumanya ditudi bamumanye. [Dibala dia Bible dia ku lumingu; tangila si-F dib. 145 tshik. 16.]
33. Kumanya, kunemeka ne kueyemena muntu udi ne dîna dia Nzambi kudi ne mushinga bua lupandu. [Dibala dia Bible dia ku lumingu luonso; tangila w89-F 15/3 dib. 30 kazubu.]
34. Malu adi Nzambi mulongolole adi akumbana ku diambuluisha dia nyuma wende, kadi ki nku bukole bua muntu nansha umue to, ne nyuma wende au ke udi wambuluisha basadidi bende bua kutshimuna bipumbishi bidi bu mikuna ne kunanukila mu mudimu wa Nzambi. [si-F dib. 169 tshik. 2]
35. Lulamatu ludi lusunguluja bulongolodi bua Yehowa ndupite malanda kayi onso a bantu, tshilejilu bu mudi malanda adi pankatshi pa balela ne balela. [si-F dib. 171 tshik. 24]