Mushindu wa kufila bibejibeji
(Nuangate bia Mfualansa bikala bia Tshiluba kabiyiku)
Tshibumba tshia Nsentedi 15 Lui.
“Bamue bantu batu badikonka ni kutu Nzambi udi ne ngikadilu ya bumuntu. Bakuabu badi bamba ne: udiku bulelela, kadi badi bela meji ne: udi kule menemene nabu. Ukadiku mumvue bualu ebu anyi? [Lekela muntu andamune.] Teleja bua tshinyi kufika ku dimanya dia Nzambi udi ne ngikadilu ya bumuntu kudi ne mushinga wa bungi. [Bala Yone 17:3.] Bua bualu ebu, nebikusankishe pawabala biena-bualu bia ntuadijilu bia mu nimero eu.”
Réveillez-vous! 22 fév.
“Udi umona bishi, Nzambi uvua mulongolole bua bantu bakole ne bana batekete kuikalabu bakenga bua dipanga dia biakudia anyi? [Lekela muntu andamune.] Mona dilaya didi dikolesha ku muoyo didibu bafunde mu Bible. [Bala Musambu 72:16.] Réveillez-vous! eu udi umvuija biledi bia dipanga dia biakudia, umvuija kabidi bualu bua mushinga menemene bua dilaya dia Nzambi dia kujikija tshilumbu etshi.”
Tshibumba tshia Nsentedi 1 Luab.
“Tudi basue kumanya muudi wela meji bua mvese eu, mvese mulenga wa dikema. [Bala Matayo 5:10.] Mmunyi mudi muntu mua kuikala ne disanka padibu bamukengesha? [Lekela muntu andamune.] Biena-bualu bibidi bia ntuadijilu mu tshibejibeji etshi bidi biakula bua bamue bantu bavua bashale amu ne disanka diabu nansha muvuabu bakenga. Nebikusankishe wewe mubale bua kumanya muvuabu bafike ku dienza nanku.”
Réveillez-vous! 8 mars
“Kuenaku pebe umona ne: nansha mutudi ne ntatu ya mu nsombelu, tudi anuku ne tshintu tshitudi ne bua kulejila Nzambi dianyisha anyi? [Lekela muntu andamune.] Bualu bumue butudi ne bua kulejila dianyisha mmushindu udibu batufuke. [Bala Musambu 139:14.] Tudi mua kuikala bena dianyisha bua biumvuilu bidi nabi mubidi wetu bidi bituambuluisha bua kuangata muoyo wetu ne mushinga anu bu mudibu baleje mu Réveillez-vous! eu!”