Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Lui.

“Bobu bakuambile ne: sungula muntu udi mua kukokesha buloba, nnganyi uwasungula? [Lekela muntu andamune.] Tshibumba tshia Nsentedi etshi tshidi tshikonkonona malu adi aleja mudi Yezu muikale Masiya udi Nzambi musungule bua kukokesha pa buloba. Tshidi kabidi tshileja tshienzelaye bantu mu bukokeshi buende.” Bala Yeshaya 9:6, 7.

Réveillez-vous! Lui.

“Bantu badi batendelela nzambi ya bungi lelu’eu. Kadi tangila tshivua Yezu muambe bua Tatuende wa mu diulu mu disambila. [Bala Yone 17:3.] Bikalaku kudi anu Nzambi umuepele mulelela, netuambe tshinyi bua nzambi mikuabu yonso eyi? [Lekela muntu andamune.] Tshiena-bualu etshi tshidi tshileja tshidi Bible wamba pa bualu ebu.” Leja muntu tshiena-bualu tshidi mu dibeji dia 28-29.

Tshibumba tshia Nsentedi 1 Luab.

“Bantu ba bungi badi bitaba ne: tudi ne bua kunanga bantu bakuabu anu bu muvua Yezu muambe mu Bible. [Bala Yone 13:34, 35.] Kadi nkuepi kutudi mua kusangana bantu badi batumikila malongesha a Yezu mu nsombelu wabu? [Lekela muntu andamune.] Tshibejibeji etshi tshidi tshiakula pa mushindu utudi mua kumanya bena Kristo balelela lelu.”

Réveillez-vous! Luab.

“Bidi bikengela kuikala ne dinanga bua tuetu kupeta disanka ne nsombelu muimpe. Pabi, bua bantu ba bungi mbikole bua kupeta dinanga dilelela. Udi pebe wela meji kayi bua bualu ebu? [Lekela muntu andamune.] Mushindu muimpe wa kupeta dinanga dilelela, nkunanga bakuabu ne muoyo mujima. Tshibejibeji etshi tshidi tshiakula pa bualu ebu.” Bala 1 Kolinto 13:4-7.