Mamanyisha

▪ Mikanda ya kufila mu Luabanya: Mukanda wa Dimanya ne tshipatshila tshia kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Bamanyishi badi ne bua kuambila bantu badibu bayukila nabu ne: badi mua kufila diabu dipa bua mudimu wa buambi udi wenzeka pa buloba bujima bikalabu basue. Panudi nupinganyina bantu badi basue kumanya malu a bungi, nutambe kudienzeja bua kubashila mukanda wa Tutendelelayi Nzambi umuepele mulelela. Tshionso tshinudi nuenza tshidi ne bua kuikala ne tshipatshila tshia kutuadija kulonga Bible ne bantu, nangananga bikala bamue ba kudibu bakadi balonge mukanda wa Dimanya ne broshire wa Utulomba.

▪ Bamanyishi badi basue kuikala bampanda-njila bambuluishi mu ngondo muinayi badi mua kudilongolola ku mpindieu ne kuwuja dibeji dia dilomba mudimu eu kumpala kua dîba. Nebiambuluishe bakulu bua kulongolola malu adi akengedibua bua mudimu wa buambi ne bua kulongolola bibejibeji ne mikanda bungi bukumbane. Nuikale numanyisha ngondo yonso mêna a bonso badibu banyishile bua kuikala bampanda-njila.

▪ Biro bia filiale kabiena bitaba dilomba dia mikanda didienzela kudi muntu nkayende to. Mutangidi-muludiki udi ne bua kulongolola dimanyisha dia kuikalabu bafila kumpala kua kutuminabu biro dilomba dia mikanda dia tshisumbu, bua se: muntu yonso udi ujinga kupeta mikanda kampanda adianjile kumanyisha muanetu udi utangila malu a mikanda. Nuikale bavuluke mikanda itubu batuma anu ku dilomba dia pa buadi.

▪ Panudi nupeta mukanda mufumine ku Betele mutumina kasumbu ka bakulu, mutangidi-muludiki ke udi ne bua kuukangula ne kuubala. Pashishe, neapeshe sekretere mukanda eu, kunyima kua yeye pende mumane kuubala, neawendeshe kudi bakulu buonso. Kunyima kua buobu bamane kuubala, mukulu yonso neafunde dîna diende bua kuleja bua se: ukadi muubale. Mushindu’eu, malu onso adi mu mukanda eu neamanyike kudi kasumbu kajima ka bakulu.

▪ Tudi mu didilongolola bua kupatula mukanda wa Kalasa ka mudimu wa Teokrasi kadi katuambuluisha mu miakulu itubu bakudimuna Tshibumba tshia Nsentedi. Bisumbu bidi kabidi bianji kuupeta nebilekele tshitupa tshia: ‘Ngikadilu wa bungamba-malu’ mu Programe wa Kalasa ka Mudimu wa Teokrasi, ne nebienze ‘Mudimu No. 1’ mu minite 15 pamutu pa minite 10 idibu baleje. Dilongolola edi nedijike panuapeta mukanda wa Kalasa ka mudimu.