Mamanyisha

▪ Mikanda ya kufila mu Tshisanga ne Lumungulu: Nufile Tshibumba tshia Nsentedi ne Réveillez-vous! Panudi nupinganyina bantu bavua banyishe bulelela bua kubakumbula, bu mudi batu babuela mu Tshivulukilu ne mu bisangilu bikuabu binene kadi kabayi ne tshibidilu tshia kubuela mu tshisumbu, nutambe kudienzeja bua kubashila mukanda mupiamupia wa Tutendelelayi Nzambi umuepele mulelela. Nuenze muenu muonso bua kutuadija nabu dilonga Bible, nangananga bikala bamue ba kudibu bamane kulonga mukanda wa Dimanya ne broshire wa Utulomba. Kabalashipu: Nufile mukanda wa Dimanya ne broshire wa Utulomba. Pikala bantu bakadi ne mikanda eyi, nufile broshire mukuabu udi bisumbu bikale nende mu stoke. Kashipu ne Tshimungu: Broshire yonso wa mabeji 32 wa ku idi ilonda eyi: Bukalenge bualua kuasa mparadizu; Ikalayi ne muoyo wa kashidi ne disanka pa buloba!; Le nom divin qui demeure à jamais; “Monayi, ndi mvuija bintu bionso bipiabipia”; Ntshinyi tshidi tshitufikila patudi tufua?; Nzambi utuku uditatshisha bua bualu buetu anyi?; Padi muntu uudi munange ufua; Quel est le but de la vie? Comment le découvrir?; ne Tudi ne bua kuitabuja Busatu Bunsanto anyi?

▪ Kutuadijila mu ngondo muinayi, nebabange kunutumina tumanyishilu tua mpungilu wa distrike wa 2003 mu mikanda idibu banutumina. Kabiakuikala ne mushinga bua nuenu kutulomba to. Nebanutuminetu mu tubuki tua tumanyishilu 25 ku kabuki konso bilondeshile bungi bua bamanyishi ba tshisumbu tshionso.

▪ Bidi ne mushinga bua biro bia filiale kuikalabi ne adrese ne nimero ya telefone mipiamipia ya batangidi-baludiki ne ba-sekretere. Padiku dishintuluka kampanda dîba kayi dionso, bena Komite wa mudimu wa tshisumbu badi ne bua kuuja formilere wa Surveillant-Président/​Secrétaire, changement d’adresse (S-29), kutuapu biala ne kumutuma pa lukasa ku biro bia filiale. Nenutume kabidi formilere eu padi nimero ya telefone mishintuluke.

▪ Ba-sekretere ba bisumbu badi ne bua kuikala ne formilere bungi bukumbane ya bampanda-njila ba pa tshibidilu (S-205) ne ya bampanda-njila bambuluishi (S-205b). Nudi mua kuyilombela mu formilere wa komande wa mikanda (S-14). Nudi ne bua kuikala ne formilere bungi bukumbane bua tshidimu tshijima. Ikalayi nukonkonona formilere yonso ya badi balomba bua kulua bampanda-njila ba pa tshibidilu bua se: ikale miuwuja bimpe. Padi bamanyishi badi balomba mudimu eu kabayi bavuluka dituku menemene diakatambulabu, badi mua kutshinka nansha dia kutshinka ne kushala badilame bimpe difunda pa muaba.

▪ Padi muntu ujinga kuya ku luendu mu matunga a ku ba-bende ne ujinga kumanya programe wa bisangilu, mpuilu anyi mpungilu kampanda, udi mua kukonka mamanyisha aa ku biro bia filiale udi utangila mudimu mu ditunga adi. Adrese ya biro bia filiale idi mu dibeji dia ndekelu dia mukanda wa Annuaire wa tshidimu etshi.

▪ Pikalaku nzubu wa buloko mu teritware wa tshisumbu kampanda, bangabanga ne kulongololamu bisangilu, bakulu nebamanyishe komite wa filiale bua kupetabu mibelu ya kulonda.

▪ Mukanda wa Kalasa ka Mudimu wa Teokrasi kadi katuambuluisha mmukudimuna mu miakulu minene pabuipi ne yonso ya mu teritware wetu. Bena bisumbu bia miakulu idibu kabayi banji kukudimuna mukanda eu, nebangate mukanda wa Kalasa ka Mudimu wa Teokrasi kadi katuambuluisha udiku mu muakulu mukuabu udi bantu ba bungi ba mu tshisumbu bamanye. Lelu’eu, mukanda mupiamupia wa Kalasa ka Mudimu wa Teokrasi au mmukudimuna mu Mfualansa, Mangala, Tshisawudi, Monokutuba, Tshitetela, Tshiluba ne Tshiluba tshia lolo.