Diambulula dia mu Kalasa ka Mudimu wa Teokrasi
Nkonko idi ilonda eyi nya kukonkonona mukana mu Kalasa ka Mudimu wa Teokrasi mu lumingu luatuadija mu dia 28 Tshisanga 2003. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 3 Luabanya too ne mu lua dia 28 Tshisanga 2003. [Dimanyisha: Padibu kabayi baleje kunyima kua lukonko miaba yudi mua kupetela diandamuna, bidi bikengela wewe kudikebuluila bua kupeta mandamuna.—Tangila mukanda wa Kalasa ka mudimu, dib. 36-37.]
NGIKADILU YA BUNGAMBA-MALU
1. Mmalu kayi adi mua kuenzeja bua muntu kupangilaye ngakuilu mupepele? [be dib. 93]
2. Bulelela anyi Dishima: Mbimpe kuepuka dikisha patudi tuakula, bualu didi mua kufikisha meji a bantu ku ditua eku ne eku ne kubafikisha ku diumbusha lungenyi ku dituteleja. Umvuija.
3. Dishindika dia miaku dimpe didi ne diambuluisha kayi kudi muntu udi wenza muyuki anyi udi ubala kumpala kua bantu? (Neh. 8:8) [be dib. 101]
4. Mmushindu kayi udi muntu mua kuenza bua kufika ku dishindika dia miaku dimpe? [be dib. 102 ne 103]
5. Nngenyi minene kayi yiwikala ne bua kushindika dîba diudi ubala malu mu mukanda kampanda ne dîyi dikole paudi ulonga Bible ne muntu anyi mu bisangilu? [be dib. 105]
MUDIMU NO. 1
6. Ntshinyi tshidi baledi mua kuenza bua kulongesha bana babu ‘bua [kuikalabu] bumvua ne bayila’ mu bisangilu bia bena Kristo? (Dut. 31:12) [be dib. 16]
7. Mparadizu wa mu nyuma ntshinyi? [w01 1/3 dib. 8-10]
8. Mmushindu kayi udi Nsumuinu 8:1-3 uleja ne: bantu bonso badi mua kupeta meji a kudi Nzambi? Ne bilondeshile Kolosai 2:3, badi mua kuapetela penyi? [w01 15/3 dib. 25, 28]
9. Mmushindu kayi utudi mua kumanyisha bantu dîna dia Nzambi? (Yone 17:6) [be dib. 273-275]
10. Mmalu kayi a mushinga adi bantu ne bua kumanya pa bidi bitangila ‘lumu luimpe lua bukalenge’? (Mat. 24:14) [be dib. 279-280]
DIBALA DIA BIBLE DIA KU LUMINGU LUONSO
11. (a) “Tshintu tshibipe” tshidibu batele mu Mâko 13:14 (NW) tshivua tshinyi mu bidimu lukama bia kumpala? (b) ‘Kuimana [kuatshi kua] muaba uvuatshi katshiyi ne bua kuimana’ kuvua kumvuija tshinyi?
12. Mmushindu kayi udi Evanjeliyo wa Luka ujadika ne: Yezu uvua mupianyi mulelela wa nkuasa wa Davidi wa mu ndelanganyi yende? (Luka 3:23-38) [w92-F 1/10 dib. 9 tshik. 3, Mfual.]
13. Ntshinyi tshivua mêyi a Yezu adi mu Luka 12:2 umvuija?
14. Mu mufuanu wa Yezu wa tshijanja tshia mpalata [wa drakma] tshivua tshijimine, bua tshinyi bidi bikemesha bua mushindu udi banjelu basanka? (Luka 15:10) Mmunyi mudi tshilejilu tshiabu mua kutuambuluisha?
15. Mbipungidi kayi bibidi bidibu batele mu Luka 22:29 (NW)?