Mamanyisha

▪ Mikanda ya kufila mu Lumungulu: Tshibumba tshia Nsentedi ne Réveillez-vous! Panudi nupinganyina bantu badi basue kumanya malu a bungi, munkatshi muabu muikale aba bavua babuele mu Tshivulukilu anyi tshisangilu tshikuabu tshilongolola mu tshisumbu kadi kabayi ne tshibidilu tshia kubuela mu bisangilu, nudi mua kutamba kufila mukanda wa Tutendelelayi Nzambi. Bidi bikengela nuenu kuenza muenu muonso bua kutuadija dilonga dia Bible ku nzubu, nangananga ne bantu bakadi balonge mukanda wa Dimanya ne broshire wa Utulomba. Kabalashipu: Mukanda wa Dimanya anyi broshire wa Utulomba. Padi bantu badianjile kuikala ne mikanda eyi, nudi mua kufila broshire mukuabu muakanyine udi mu stoke wa tshisumbu. Kashipu ne Tshimungu: Nudi mua kufila broshire yonso wa mabeji 32 ku idi ilonda eyi: Bukalenge bualua kuasa mparadizu, Ikalayi ne muoyo wa kashidi ne disanka pa buloba!, Le nom divin qui demeure à jamais, “Monayi, ndi mvuija bintu bionso bipiabipia,” Ntshinyi tshidi tshitufikila patudi tufua?, Nzambi utuku uditatshisha bua bualu buetu anyi?, Padi muntu uudi munange ufua, Quel est le but de la vie? Comment le découvrir?, ne Tudi ne bua kuitabuja Busatu Bunsanto anyi? Mu imue miaba, bidi mua kuikala biakanyine bua kufila broshire idi ilonda eyi: Connaîtrons-nous un jour un monde sans guerre?, Nos problèmes​—Qui nous aidera à les résoudre?, Spiritu ya bafue​—Idi mua kukuambuluisha anyi kukuenzela bibi? Ituku menemene anyi?, Une vie pleinement satisfaisante: Comment? anyi Un livre pour tous.

▪ Mutangidi muludiki anyi muntu wasungulaye udi ne bua kukonkonona konte ya tshisumbu mu dia dituku 1 dia ngondo muisambombo anyi matuku makese panyima pa dituku adi. Panuikala bajikije nudi mua kumanyisha tshisumbu luapolo elu kunyima kua dienza luapolo lua konte musangu udi ulua.

▪ Tudi tulomba sekretere wa tshisumbu tshionso bua kutuma luapolo lua mudimu lua ngondo yonso lua tshisumbu (S-1) pa lukasa ku biro, dituku dia ndekelu dikale dia matuku asambombo a ngondo udi ulonda. Kanulami luapolo ya ngondo ya bungi bua kulua kuyituma musangu umue nansha.

▪ Nudi ne bua kutuma luapolo lua Tshivulukilu (S-7) ku biro diakamue kanuyi nujingakana kunyima kua Tshivulukilu. Nansha bisumbu bidi kule ne depo wa mikanda biobi bikale bimane kutuma luapolo yabi mu njila mikuabu, tudi tubilomba bua bilue kabidi luapolo ayi ku mpungilu wa distrike bua kuyipesha muleji mpala wa biro bua yeye ayifile ku biro diakamue. Bualu bivua bienzeke kale mbitufikishe ku dimona se: luapolo ya bisumbu bia bungi bia kule itu misangu ya bungi ijimina.