Mandamuna ku nkonko yenu

▪ Tudi mua kuakula bua tshilumbu tshia difila dia mapa a budisuile patudi tuyisha muntu ku telefone anyi?

Patudi tuyisha muntu mpala ne mpala, kudi mua kuikala mushindu wa kumumvuija ne: mudimu wa Bantemu ba Yehowa wa dilongeshangana malu a mu Bible pa buloba bujima udi wenda ku diambuluisha dia mapa a budisuile adi bantu bafila ne tudi ne disanka dia kuangata mapa a nanku padi bantu baafila. Kadi katuena ne bua kuakula bualu bua mapa a budisuile patudi tuyisha ku telefone to, bualu bidi mua kufila lungenyi lubi kudi muntu lua ne: tudi tubikila bantu bua kubalomba makuta. Mudimu wa Bantemu ba Yehowa ki ng’wa dienda mushinga nansha.​—2 Kol. 2:17.

▪ Tshia kuenza ntshinyi patudi tuyisha ku telefone ne muntu utuambila ne: ki mmusue kabidi bua Bantemu ba Yehowa bamuele nshinga to?

Tudi ne bua kunemeka dijinga dia muntu au. Bidi bikengela kufunda kabeji kadi kaleja dituku didi muntu au mubenge ne dîna diende ne kukela mu karte ka teritware bua bamanyishi bakuabu kababikidi nimero ya telefone ayi to. Musangu umue ku tshidimu, badi ne bua kukonkonona liste wa bantu bavua babenge bua katubabikidi to. Mutangidi wa mudimu udi mua kusungula bamanyishi bapiluke, badi bikale ne budimu bua bungi bua kumonangana ne bantu abu bua kumanya bikala dijinga diabu dishintuluke.​—Tangila Mandamuna ku nkonko yenu mu Mudimu wetu wa Bukalenge wa Kashipu 1994 (Mfualansa).