TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 5/03 dib. 8
  • Dîyi dia Nzambi mbulelela

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Dîyi dia Nzambi mbulelela
  • Mudimu wetu wa Bukalenge—2003
  • Bintu bia muomumue
  • “Dîyi dia Nzambi didi . . . ne bukole”
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2017
  • ‘Dîyi dia Nzambi didi ne bukole’
    Mudimu wetu wa Bukalenge—2001
  • Utuku wakuila Dîyi dia Nzambi anyi?
    Mudimu wetu wa Bukalenge—2007
  • ‘Tungunuka ne kuenda mu bulelela’
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2022
Tangila bikuabu
Mudimu wetu wa Bukalenge—2003
km 5/03 dib. 8

Dîyi dia Nzambi mbulelela

1. Mmalu kayi a mushinga adi mu Bible?

1 Mufundi wa Misambu wakafunda ne: “Muji wa [Dîyi diebe] mbulelela.” (Mus. 119:160, MMM) Mu Dîyi diende difundisha ku nyuma wende, Yehowa udi ufila mandamuna adi asankisha ku nkonko minene ya mu nsombelu. Udi ukolesha ku muoyo bantu badi ne ntatu ne ubapesha ditekemena. Udi kabidi utuleja mushindu utudi mua kusemena pabuipi nende. Muntu mukaji mukuabu wakaleja dianyisha e kuamba ne: “Kulonga bulelela bua mu Bible kudi anu bu kupatuka mu muaba udi mîdima mikole ne kubuela muaba udi butoke.” Udiku udifila bua kuyisha bulelela bua mu Dîyi dia Nzambi misangu yonso anyi?

2. Mmunyi mudi Bible wakaja nsombelu wa bantu?

2 Didi ne bukole bua kushintulula ne kukoka bantu ba miaba yonso: Bulelela bua mu Bible budi ne bukole bua kulenga muntu ku muoyo ne kushintulula nsombelu yabu. (Eb. 4:12) Nsongakaji mukuabu dîna diende Rosa uvua wenda bundumba, ukuatshika maluvu ne unua diamba. Udi wamba ne: “Dimue dituku pakavua bionso bia panu bintonde bintondelemu, Ntemu mukuabu ne mukajende bakangambila bua mudi Bible mua kuambuluisha bantu bua kujikija malu adi abatatshisha. Ngakatuadija kulonga Dîyi dia Nzambi, diakansankisha bikole. Munkatshi mua ngondo umue ngakakokesha bua kulongolola nsombelu wanyi bua alue mukezuke ne kuikalaye mupiamupia. Mpindieu munkavua mudifundile tshipatshila mu nsombelu wanyi, tshivua kabidi dijinga ne maluvu anyi diamba to. Nenku bu mumvua musue bikole bua kulua mulunda wa Yehowa, mvua mupangadije bua kutumikila mêyi ende mu nsombelu wanyi. Bu kabiyi bua meji adi ambuluisha a mu Dîyi dia Nzambi, ndi mujadike se: dîba edi mvua mua kuikala nkadi mudishipe.”​—Mus. 119:92.

3. Bua tshinyi katuena ne bua kubenga kuambila bakuabu mukenji wa mu Bible?

3 Bible udi ukoka bantu ba mu ‘ditunga dionso, bisamba bionso, bantu bonso ne miakulu yonso,’ bishilangane ne mikanda ya bungi lelu’eu. (Buak. 7:9) Disua dia Nzambi ndia se: “bantu bonso basungidibue, bafike ku dimanya dia malu malelela.” (1 Tim. 2:4) Pa nanku, katuena ne bua kudianjila kutshinka nansha kakese ne: kampanda anyi kansanga kakuitaba lumu luimpe anu bualu ng’wa muaba kampanda to. Pamutu pa nanku, manyishe bantu bonso mukenji wa Bukalenge, ubabadila mukenji anu mu Bible padiku mushindu.

4. Mmushindu kayi utudi mua kuenza mudimu ne Bible patudi tuyisha?

4 Utambe kuenza mudimu ne Bible: Kudi mishindu ya bungi ya kuenza mudimu ne Bible mu buambi. Paudi ufila bibejibeji, utete mua kubueja mu diyukila dienu mvese idibu bafile pa mushindu wa kufila bibejibeji. Patu bakuabu bafila mukanda mulongolola bua kufila mu ngondo, batu bamona mudibi ne mushinga bua kubala imue mvese misungula bimpe mu mêyi abu a mbuelelu. Paudi upinganyina bantu, ikala misangu yonso ubalaku mvese umue wa mu Bible anyi ya bungi bua kuambuluisha muntu bua kupetaye ku kakese ku kakese dimanya dilelela. Paudi ulombola dilonga dia Bible, mbimpe diyukidilangana dienu dishindamene pa mvese minene. Paudi uyisha mu mpukapuka pebe kuyi mulongolole ne: neuyishe, ikala ne Bible pabuipi bua kumubadila muntu padi mushindu umueneka wa kuyisha mu mpukapuka.​—2 Tim. 2:15.

5. Bua tshinyi tudi ne bua kudienzeja bua kubala Bible patudi mu buambi?

5 Tuambuluishayi bantu bua bamone bukole budi nabu Dîyi dilelela dia Nzambi pa kuenza mudimu ne Bible misangu yonso idi miakanyine mu mudimu wetu wa buambi.​—1 Tes. 2:13.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu