Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Lum.

“Dituku dionso tudi tumvua ngumu ya malu a tshikisu adi bantu benza. Udi wela meji ne: malu a nunku avuaku kumpala anyi? [Lekela muntu andamune.] Mona tshidi Bible wamba. [Bala Matayo 24:37.] Mu tshikondo tshia Noa malu mabi avua mapite bungi, ke tshiakenza bua se: Nzambi abutule bantu bonso pa kumusha anu Noa ne dîku diende. Tshibejibeji etshi tshidi tshileja mudi malu akenzeka au mikale ne mushinga wa bungi buetu tuetu lelu’eu.”

Réveillez-vous! 22 mai

“Mu matuku etu aa masama makebesha kudi bishi adi atamba kukebela mubidi wetu njiwu ya bungi. Udiku mumanye se: kudi malu atudi mua kuenza bua kudikuba anyi? [Lekela muntu andamune.] Tshibejibeji etshi tshidi tshileja tshitudi mua kuenza, kabidi ne dilaya dia mu Bible bua tshikondo tshikala masama kaatshiyiku kabidi.” Bua kujikija bala Yeshaya 33:24.

Tshibumba tshia Nsentedi 1 Kabal.

“Malu adibu balonda bua makuta avuabu bapeshe bisumbu bidi bikuata mudimu wa kuambuluisha badi mu dikenga, adi afikisha bamue bantu ku didikonka bu bikalabi bualu bua meji bua kufila makuta a nunku, bualu bisumbu abi bidi biangata makuta au bienza nau malu makuabu. Kadi nansha nanku, bantu badi dijinga ne diambuluisha badi bungi tshianana. Udi umona ne: ntshinyi tshidi tshikengela kuenza? [Lekela muntu andamune. Pashishe bala Ebelu 13:16.] Tshibejibeji etshi tshidi tshiumvuija mishindu ya difila idi isankisha Nzambi.”

Réveillez-vous! 8 juin

“Mbimueneke ne: lelu’eu bantu kabena bangata ne mushinga bikadilu bilenga ne dimanya malu bu muvuabi mu bidimu bishale nansha. Udi pebe umona ne: mbulelela anyi? [Lekela muntu andamune.] Bualu budi bukemesha mbua se: Bible ukavua muakule bua bualu ebu. [Bala 2 Timote 3:1-5.] Nimero wa Réveillez-vous! eu udi umvuija bua tshinyi mmuenenu wa bantu pa malu adibu bangata ne mushinga udi ushintuluka ne tshidi tshituindile mu matuku atshilualua.”