Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabal.

“Bamue bantu batu bamona ne: Yezu uvua muntu mutambe bunene mu mianda ya kale ya malu a bantu. Bakuabu batu belesha mpata ne: kavuaku mene to. Udi wela meji ne: malu adi atangila Yezu atudi tuitabuja adi ne mushinga anyi? [Kunyima kua diandamuna dia muntu, bala Bienzedi 4:12.] Ntshijadiki kayi tshidiku tshidi tshileja se: Yezu wakasomba panu pa buloba apa? Tshibejibeji etshi tshidi tshiandamuna lukonko elu.”

Réveillez-vous! 22 juin

“Bantu ba bungi badi baditatshisha mu lungenyi bua muaba udibu basomba. Udiku wela meji ne: kudi mushindu wa kukuba mêtu a miaba itu luya anyi? [Lekela muntu andamune.] Tshibejibeji etshi tshidi tshiumvuija tshidi bantu benza bua kukuba mêtu a miaba itu luya. Tshidi kabidi tshiumvuija mushindu wikala dilaya dilenga dia kudi Nzambi edi mua kukumbana.” Bala Yeshaya 11:9.

Tshibumba tshia Nsentedi 1 Kash.

“Bumue bua ku malu a kumpalampala atutu nawu dijinga tuetu bantu nkunanga ne kunangibua kudi bakuabu. [Bala miaku idi kumpenge kua tshimfuanyi mu dibeji 4.] Kadi kuenaku mumone ne: bena lelu badi ne tshibidilu tshia kudifila nangananga anu ku malu makuabu anyi? [Lekela muntu andamune.] Tshibejibeji etshi tshidi tshiumvuija tshidi dinanga dilelela ne mushindu udidi mua kuvula.” Bala 1 Kolinto 13:2.

Réveillez-vous! 8 juillet

“Bantu ba bungi badi bamona divulangana dia malu a tshikisu dia tshianana dikale ditatshisha nsombelu wa bantu. [Fila tshilejilu tshia bualu budi bumanyike muaba unudi ne ulekele muntu andamune.] Tshibejibeji etshi tshidi tshiumvuija amue malu adi afikisha ku bienzedi bia tshikisu. Tshidi kabidi tshiumvuija mushindu wikala Nzambi mua kujikija kujikijilamu malu onso a tshikisu ne tshinyangu.” Bala Musambu 37:10, 11.