TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 6/03 dib. 8
  • Tumanyishayi dîna dia Nzambi

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Tumanyishayi dîna dia Nzambi
  • Mudimu wetu wa Bukalenge—2003
  • Bintu bia muomumue
  • Yehowa udi utumbisha dîna diende
    Bukalenge bua Nzambi budi bukokesha!
  • Nemeka dîna dinene dia Yehowa
    Tshibumba tshia Nsentedi tshidi tshimanyisha Bukalenge bua Yehowa—2013
  • Dîna dia Nzambi nnganyi?
    Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2019
  • Dishima didi disaka bantu bua kuamba ne: Nzambi kena ne dîna
    Tshibumba tshia Nsentedi tshidi tshimanyisha Bukalenge bua Yehowa—2013
Tangila bikuabu
Mudimu wetu wa Bukalenge—2003
km 6/03 dib. 8

Tumanyishayi dîna dia Nzambi

1. Kumanya dîna dia Nzambi kudi mua kuenzela bantu tshinyi?

1 Uvua mumvue munyi musangu wa kumpala uwakamanya dîna dia Nzambi? Bantu ba bungi bakenza anu bu muakenza muntu mukaji mukuabu uvua muambe ne: “Pangakamona bua musangu wa kumpala dîna dia Nzambi mu Bible, ngakadila muadi. Bivua binsankishe bikole bua mumvua mumanye ne mubange kutela dîna dia Nzambi.” Buende yeye, kumanya dîna dia Nzambi kuvua tshidia tshinene tshia dimanya Yehowa bu muntu ne tshia dikeba bua kudia nende bulunda.

2. Bua tshinyi bidi ne mushinga wa bungi bua tuetu kulongesha bantu malu adi atangila Yehowa?

2 Bua tshinyi kudimanyisha? Kumanya dîna dia Nzambi mmuomumue ne: kumanya ngikadilu yende, malu adiye mulongolole ne bienzedi biende. Tudi kabidi ne bua kumanya dîna dia Nzambi bua kumona mua kupeta lupandu. Mupostolo Paulo wakafunda ne: “Yonso udi ubila dîna dia Yehowa neapandishibue.” Kadi Paulo wakanana lungenyi wamba ne: ‘Mmunyi muamubilabu’ padi bantu kabayi banji kulonga malu adi atangila Yehowa ne kumuitabuja? Bua nanku, bidi ne mushinga wa bungi bua bena Kristo kumanyishabu bakuabu dîna dia Nzambi ne malu onso adi aditangila. (Lomo 10:13, 14, NW) Kadi kudi kabidi bualu bunene budi bantu ne bua kumanyishila dîna dia Nzambi.

3. Tshitudi tuyishila menemene ntshinyi?

3 Mu bidimu bia 1920, Bantu ba Nzambi bakajingulula mu Bible tshilumbu tshidi tshitangila bantu bonso tshia dibingisha dia bumfumu bua Nzambi ne ditumbisha dia dîna diende. Kumpala kua Yehowa kubutulaye bantu babi bua kumusha bipendu bidibu bapende nabi dîna diende, bulelela budi bumutangila budi ne bua ‘kumanyibua mu miaba yonso ya pa buloba.’ (Yesh. 12:4, 5; Yeh. 38:23) Nanku, tshitudi tuyishila menemene mbua kutumbisha Yehowa, kutumbisha ne dîna diende mu bantu bonso. (Eb. 13:15) Dinanga ditudi banange Nzambi ne muntu netu neditusake bua kudifila bikole mu mudimu eu mutupesha kudi Nzambi.

4. Mmushindu kayi udi bantu bafika ku dimanya Bantemu ba Yehowa ku dîna dia Nzambi?

4 ‘Bantu basungula bua dîna diende’: Mu tshidimu tshia 1931 tuvua bangate dîna dia Bantemu ba Yehowa. (Yesh. 43:10) Katshia anu pine apu, bantu ba Nzambi badi bamanyisha dîna dia Nzambi, ne mu mukanda wa Prédicateurs, dibeji dia 124 badi bambamu ne: “Pa buloba bujima, muntu yonso udi ukuata mudimu ne dîna dia Yehowa badi bamumanya diakamue ne: udi Ntemu wa Yehowa.” Batuku bakumanye pebe nanku au anyi? Dianyisha ditudi nadi bua bulenga bua Yehowa didi ne bua kutusaka bua ‘kusamuna dîna diende,’ tuakula bua bualu buende misangu yonso idi miakanyine.​—Mus. 20:7; 145:1, 2, 7, MMM.

5. Kuikala ne dîna dia Yehowa kudi kutangila ngikadilu wetu ku tshinyi?

5 Tudi ne bua kutumikila mêyi ende anu bu ‘bantu basungula bua dîna diende.’ (Bien. 15:14; 2 Tim. 2:19) Misangu ya bungi, bualu bua kumpala butu bantu bamona kudi Bantemu ba Yehowa nngikadilu wabu mulenga. (1 Pet. 2:12) Katuakuanyisha nansha kakese bua kupendesha dîna dia Nzambi pa kutupa ku mêyi ende anyi pa kuteka ntendelelu wende pa muaba muibidi mu nsombelu wetu to. (Lew. 22:31, 32; Mal. 1:6-8, 12-14) Pamutu pa nanku, tulejayi mu nsombelu wetu ne: tudi banange bikole diakalenga dia kuikala ne dîna dia Nzambi.

6. Ndiakalenga kayi ditudi mua kupeta mpindieu ne bua kashidi?

6 Lelu’eu, tudi tumona mudi mêyi a Yehowa aa akumbana: ‘Ku kupatuka kua dîba too ne ku kubuela kuadi dîna dianyi didi dinene munkatshi mua ba mu bisamba bia bantu.’ (Mal. 1:11) Tutungunukayi ne kumanyisha bulelela budi butangila Yehowa ne ‘kutumbisha dîna diende dia tshijila matuku onso ne tshiendelele.’​—Mus. 145:21, MMM.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu