Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshim.

“Bantu ba bungi batu banange kuikala ne lumu luimpe. Bamue batu mene badikonka pa tshikala bantu mua kushala babavulukila pafuabu. Ukadiku muele meji pa bualu ebu anyi? [Lekela muntu andamune. Pashishe ubale Muambi 7:1.] Tshibumba tshia Nsentedi etshi tshidi tshiumvuija mushindu utudi mua kulua bantu badi ne lumu luimpe ku mêsu kua bantu netu ne ku mêsu kua Nzambi.”

Réveillez-vous! 22 Tshim.

“Tshiena mumanye ni ukadiku mumvue mutubi bitondangana padi bena tshikisu bakuenzele tshimvundu tshikole anyi batshienzele muena mu dîku dienu. [Lekela muntu andamune.] Nimero wa Réveillez-vous! eu udi ne ngenyi mimpe idi mua kuambuluisha bantu badibu bakengeshe nanku. Udi kabidi umvuija mudi Nzambi mulaye tshikondo tshikala ntatu ya mushindu eu kayiyi mua kukuata kabidi bantu.” Bala Mika 4:4.

Tshibumba tshia Nsentedi 1 Kabit.

“Bantu ba bungi badi bela meji ne: bitendelelu kabukabu bidi bantu babuela bidi anu njila mishilangane patupu kadi mikale ifikisha muaba umue. Bakuabu pabu badi bajadika ne: kudi anu tshitendelelu tshimuepele tshilelela. Ukadiku muele meji pa bualu ebu anyi? [Lekela muntu andamune.] Tshibejibeji etshi tshidi tshiakula bua lusumuinu kampanda lua kale luakelabu ne tshidi tshitokesha tshilumbu etshi.” Umvuija Matayo 13:24-30.

Réveillez-vous! 8 Kabit.

“Miodele ya mvuadilu idi itamba kukoka bantu ba bungi lelu’eu. Bamue batu bela meji ne: bantu mbatambe kunekesha bua bilamba bidi bantu ne bua kuvuala ne mushindu udibu ne bua kumueneka ku bantu. Udi wela meji kayi bua bualu ebu? [Lekela muntu andamune.] Réveillez-vous! eu udi ufila lungenyi luakanyine mu malu a miodele anyi mvuadilu wa bilamba.” Bala Kolosai 3:12.