Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 27 Kasuamansense 2003. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 1 Kabitende too ne mu lua dia 27 Kasuamansense 2003. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Ntshinyi tshidi mubelu udi mu 1 Timote 2:9 udi wamba bua ‘kudilengeja ne bilulu biakanyine’ umvuija, ne mmunyi mudiwu ututangila patudi tupita kumpala mu tshisumbu bua kulongesha anyi patudi mu mudimu wa buambi? [be dib. 132 tshik. 4-5]

2. Mmunyi mudi ngenyi ya mu Bible idi mu 1 Yone 2:15-17, Efeso 2:2 ne Lomo 15:3 ituambuluisha bua kuakaja mmuenekelu wetu? [be dib. 133 tshik. 2-4]

3. Bua tshinyi kutukija kudi ne mushinga, ne mmunyi mutudi mua kufika ku ditukija patudi tuakula kumpala kua tshisumbu anyi patudi mu buambi? [be dib. 135 kazubu; dib. 136 tshik. 6, kazubu]

4. Mmunyi muvua Yezu uvua “mumanyishi wa kueyemena ne mulelela” mutushile tshilejilu pa bidi bitangila dienza mudimu ne Bible mu buambi? (Buak. 3:14) [be dib. 143 tshik. 2-3]

5. Mmunyi mutudi mua kupiluka mu dienza mudimu ne Bible? (Tito 1:9) [be dib. 144 tshik. 1, kazubu]

MUDIMU NO. 1

6. Kulonga kudi kumvuija tshinyi, ne ng’amue malu mimpe kayi adi muntu upeta padiye ulonga Dîyi dia Nzambi pa tshibidilu? [be dib. 27 tshik. 3; dib. 32 tshik. 3]

7. Mu diumvuangana ne Yakobo 1:5, 6, ntshinyi tshidi ne mushinga patudi tukeba kuangata dipangadika dinene? [w01 1/9 dib. 28 tshik. 4]

8. Matuku a ngondo anyi bidimu bia nshindamenu ntshinyi, ne bua tshinyi bidi ne mushinga wa bungi? [si-F dib. 282 tshik. 27]

9. Mmu mushindu kayi mudi ‘kuamba mêyi a mukoso’ kuikale bupote? (Nsu. 10:18) [w01 15/9 dib. 25 tshik. 3]

10. Mmunyi muikala bantu mua kufika ku diumvua bimpe menemene mushindu udi Yehowa wangata dîba palua buloba bupiabupia? [si-F dib. 283 tshik. 32]

DIBALA DIA BIBLE DIA KU LUMINGU LUONSO

11. Bulelela anyi Dishima: Mu 1 Kolinto 2:9, mupostolo Paulo udi wakula bua bintu bidi Yehowa mulongoluele bantu bende ba lulamatu bu bumpianyi. Umvuija. [ip-2-F dib. 366 kazubu]

12. Mmateta kayi adi mêyi a mu 1 Kolinto 10:13 atangila, ne mmunyi mudi Yehowa ‘utuenzela njila wa kupandukila’? [w91-F 1/10 dib. 10-11 tshik. 11-14]

13. Mmunyi mudi tshilejilu tshia muoyo mulenga wa Yezu tshiambuluisha bena Kristo? (2 Kol. 8:9) [w92-F 15/1 dib. 16 tshik. 10]

14. Mmunyi muvua Mikenji mikale ‘ndeji uvua ufikisha kudi Kristo’? (Gal. 3:24) [w02 1/6 dib. 15 tshik. 11]

15. ‘Mayisha a kumudilu a pa buloba’ atudi ne bua kudimukila bua kabalu kutupambuisha ntshinyi? (Kolos. 2:8)