Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kasuam.

“Mapangadika a bungi atudi tuangata atu ashintuluisha malu a bungi mu nsombelu wetu. Tshidi mua kutuambuluisha bua kubenga kuangata mapangadika mabi ntshinganyi? [Lekela muntu andamune. Pashishe ubale Nsumuinu 3:6.] Tshibejibeji etshi tshia Tshibumba tshia Nsentedi tshidi tshileja mêyi a kulonda atanu mangatshila mu Bible adi mua kutuambuluisha bua kuangata mapangadika malenga.”

Réveillez-vous! 22 oct.

“Kuenaku mumone ne: lelu kudi tuishi tua masama tua bungi tudi katuyi tufua ku manga adibu bafila bua kutushipa anyi? [Lekela muntu andamune.] Tshibejibeji etshi tshidi tshiakula bua bikebeshi bia bualu ebu ne tshifila ngenyi ya tshitudi mua kuenza bua kudikuba. Tshidi kabidi tshiakula bua dilaya dia mu Bible dia ne: kakuakuikala kabidi muntu wamba ne: ndi nsama.” Bala Yeshaya 33:24.

Tshibumba tshia Nsentedi 1 Kasuab.

“Ndi mumanye ne: yonso wa kutudi bivuaye mueyemene bikadiku dimue dituku bipange kuenzeka. Ukadi mudiebeje dimue edi ne: ‘Kudiku muntu undi mua kueyemena anyi?’ [Lekela muntu andamune. Pashishe bala Nsumuinu 3:5.] Tshibejibeji etshi tshidi tshileja bua tshinyi tudi mua kueyemena Nzambi mu malu onso. Tshidi kabidi tshiakula mu bule ne mu butshiama bua mushindu utudi mua kujingulula bantu ba kueyemena.”

Réveillez-vous! 8 nov.

“Bintu bidi bifumina ku petrole bidi bilenga nsombelu wetu mujima. Ukadiku mudiebeje bua kumanya tshivua nsombelu mua kuikala bu bintu ebi kabiyiku anyi? [Lekela muntu andamune.] Tshibejibeji etshi tshidi tshiakula bua mushindu udi kasolonyi kafike ku dikala ne muaba munene mu bantu lelu. Tshidi kabidi tshiumvuija bua tshinyi kabiena bikengela kutshina bua se: dimue dituku kumpala eku kasolonyi nekajike pa buloba.”