Mamanyisha

▪ Mikanda ya kufila mu Kasuabanga: Ntshinyi tshidi Nzambi utulomba? anyi Dimanya didi difikisha ku muoyo wa kashidi. Pikala bantu bakadi ne mikanda eyi, nudi mua kufila Tutendelelayi Nzambi umuepele mulelela anyi mukanda kayi wonso wa kale. Tshisua-munene: Muntu mutambe bunene wa katshia ne katshia. Mikanda mikuabu inudi mua kufila: La Bible: Parole de Dieu ou des hommes?, Miyuki ya mu Mukanda wa Nzambi anyi Udi mua kuikala ne muoyo wa kashidi pa buloba bukudimuna mparadizu. Tshiongo: Nudi mua kufila mukanda wonso mupatula kumpala kua 1988 udi nawu tshisumbu tshienu. Binuikala kanuyi nayi, ilombayi mu bisumbu bidi pabuipi nenu bidi nayi ya bungi. Bisumbu bidi kabiyi ne mikanda ya kale bidi mua kufila mukanda wa L’humanité à la recherche de Dieu. Luishi: Approchez-vous de Jéhovah. Panuikala kanuyi ne mukanda eu, nudi mua kufila mukanda wa La vie: comment est-elle apparue? Évolution ou création? anyi Buakabuluibua​—Nkomenu wabu munene ukadi pabuipi!

▪ Mutangidi-muludiki anyi muntu wasungulaye neakonkonone konte wa tshisumbu mu dia 1 Tshisua-munene anyi matuku makese kunyima kua dituku edi. Panuikala bajikije, numanyishe tshisumbu luapolo elu kunyima kua dibala dia luapolo lua konte lua musangu udi ulonda.

▪ Bisumbu bidi mua kutuadija kulomba volime reliye ya Tshibumba tshia Nsentedi ne Réveillez-vous! bua 2003 pa dilomba diabi dia mikanda dia musangu udi ulonda. Liste wa miakulu mudi volime reliye eyi nebamupatule mu “Dimanyisha kudi bisumbu bionso,” ditubu batumina bisumbu bionso ngondo yonso. Too ne pafika volime eyi ne pashishe kunutuminayi, mabeji a dinutumina nawu mikanda neikale mafunda ne: “Noté pour plus tard” (Ya dituma pashishe). Volime ya reliye mbintu bitubu batuma anu ku dilomba dia pa buadi.

▪ Nimero ya telefone eyi nya biro bia filiale inudi mua kuangata bua kubikila padiku malu a lukasa lukasa: 98 189 791 ; (88) 43 213; Fax: (88) 46 944. Bua malu kuenzekawu bimpe ne bua kubenga kunyanga makuta, mbimpe bua tuetu bonso kuikala ne tshibidilu tshia kufunda mikanda ne kuyituma pa tshibidilu. (Tangila kazubu ka Mandamuna ku nkonko yenu mu Mudimu wetu wa Bukalenge wa Kabalashipu 1993.) Nudi mua kubikila biro bia filiale ku telefone anu padiku malu a lukasa lukasa.

▪ Nuikale bavuluke ne: ki mbanyishile muntu nansha umue bua kuya kuendakana ku Betele mu mêba a mapingaja a mu Disambombo dia matuku 29 ngondo wa dikumi ne umue tshidimu tshia 2003 to.