Ndongamu wa Bisangilu bia Mudimu
Lumingu lua dia 10 Kasuabanga
Musambu 212
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji 4, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kasuabanga ne Réveillez-vous! wa dia 22 Kasuabanga makanyine mu teritware wenu.a Mu dinaya dionso, nufile bibejibeji ebi bionso bibidi nansha nuenu nuakuila pa malu adi mu tshimue patupu. Mu dimue dia ku manaya aa, nuleje kudi makuta a dikuatshisha nawu mudimu wetu wa pa buloba bujima afumina.—Tangila Tshibumba tshia Nsentedi, dib. 2 anyi Réveillez-vous! dib. 5.
Min. 15: “Nuikale badilongolole.”b Lomba bateleji bua bambe tshidi tshibambuluisha bua tunyinganyinga ne bifidi bikuabu bia ditanaji bia mu ndongoluelu eu wa malu kabibadi dîba dia kuenza malu a mu nyuma.
Min. 20: Mmushindu kayi uutu usungula bebe balunda? Diyukidilangana ne bateleji dishindamene pa malu adi mu mukanda wa Tutendelelayi Nzambi, dibeji dia 47-49. Ku diambuluisha dia nkonko ne mvese mifila mu tshikoso tshia 13, lomba bateleji bua bakule bua mêyi a mu Bible adi ne bua kutulombola mu disungulula dietu dia balunda.
Musambu 127 ne disambila dia nkomenu.
Lumingu lua dia 17 Kasuabanga
Musambu 96
Min. 12: Mamanyisha a mu tshisumbu. Ela bamanyishi babidi anyi basatu nkonko bavua bamone malu kampanda malenga mu buambi pavuabu bafile mikanda ivuabu bambe bua kufila ngondo eu. Bamue bavua mene bafike too ne ku dituadija malonga a Bible.
Min. 15: Majinga a mu tshisumbu.
Min. 18: “Kalumbandi kadi kakankamijangana.”c Bueja mumvuija mangatshila mu mukanda wa Disanka mu dîku, dibeji dia 49-50, tshikoso tshia 21. Lomba bantu bavuabu bakankamije kudi mêyi a dibela nawu kalumbandi a kudi bakuabu bua bakule mu tshikoso.
Musambu 58 ne disambila dia nkomenu.
Lumingu lua dia 24 Kasuabanga
Musambu 213
Min. 12: Mamanyisha a mu tshisumbu. Luapolo lua konte. Enzeja manaya a tshilejilu abidi mashilangane pa mushindu wa kuenza mudimu ne ngenyi idi mu dibeji 4 bua kufila Tshibumba tshia Nsentedi tshia dia 1 Tshisua-munene ne Réveillez-vous! wa dia 8 Tshisua-munene.d Nudi anu mua kuenza mudimu ne mvese mushilashilangane ya ku idibu bafile mu dibeji 4. Mu dinaya dionso, nufile bibejibeji ebi bionso bibidi nansha nuenu nuakuila pa malu adi mu tshimue patupu. Mu dimue dia ku manaya aa, nuleje muntu muikale ufila bibejibeji mu mashinyi a diambula bantu anyi muaba mukuabu udi muakanyine mu teritware wenu.
Min. 10: Mandamuna ku nkonko yenu. Muyuki wenzabu kudi mukulu.
Min. 23: “Tukoleshayi bulunda ne Yehowa.”e Enza mudimu ne nkonko idibu bele. Enza bua bateleji baleje mua kutumikila mvese. Dianjila kusungula muntu umue anyi babidi bua baleje tshivua tshibambuluishe bua kulengeja dilonga diabu dia Bible dia pa nkayabu.
Musambu 202 ne disambila dia nkomenu.
Lumingu lua dia 1 Tshisua-munene
Musambu 138
Min. 10: Mamanyisha a mu tshisumbu. Vuluija bamanyishi bua bafile luapolo luabu lua ngondo wa Kasuabanga. Manyisha mikanda ituafila mu Tshisua-munene. Konkononayi mu tshikoso lungenyi lumue anyi ibidi pa mushindu wa kufila mikanda ayi. Umvuija mushindu udi bamanyishi mua kuenza mudimu ne mukanda wetu wa Index bua kupeta mikuabu ngenyi ya mushindu wa mua kufila mikanda.—Tangila Mudimu wetu wa Bukalenge wa Kabitende 2001, dib. 2.
Min. 15: Tuikalayi ne lungenyi lua difila. Muyuki wenzabu kudi mukulu, mushindamene pa Tshibumba tshia Nsentedi tshia dia 1 Kasuabanga 2003, dibeji dia 27-30. (Nimero eu yeye kayiku, nuenze mudimu ne tshiena-bualu tshia ne: “Kalolo ka bungi kadi kapetesha disanka,” tshidi mu Tshibumba tshia Nsentedi tshia dia 1 Kasuabanga 2000, dibeji dia 28-31).
Min. 20: Bakumbane bimpe bua kulongesha bakuabu. Diyukidilangana ne bateleji dishindamene pa Tshibumba tshia Nsentedi tshia dia 1 Kabalashipu 2000, dibeji dia 16-17, tshikoso tshia 9-13. Kuikala bakumbane bua kulongesha bimpe ke tshipatshila tshinene tshitudi natshi mu mudimu wetu. Dipatula bipeta bimpe mu diambuluisha bantu badi bafuana mikoko didi mua kumuenekela ku dimanya mua kuyisha mukenji wa Bukalenge kudi bantu mu mushindu udi ubasaka ku diutumikila. Nuandamune nkonko idi ilonda eyi: (1) Ndishilangana kayi didi pankatshi pa diyisha ne dilongesha? (it-2-F dib. 632 tshik. 4) (2) Bua tshinyi bamue batu belakana bua kulombola dilonga dia Bible? (3) Mmunyi mutudi mua kulengeja ndongeshilu wetu? (4) Mmunyi mutudi mua kufika ku dijadika ne: mulongi wetu wa Bible udi umvua malu adiye ulonga? (5) Tudi ne bua kuambuluisha mulongi wa Bible bua akumbaje tshipatshila kayi?
Musambu 70 ne disambila dia nkomenu.
[Mêyi adi kuinshi]
a Enzayi mudimu ne ngenyi idibu bafile pa mushindu wa kufila bibejibeji bia ndekelu binudi nabi.
b Mbuelelu webe kapitshi pa munite mujima to, pashishe utungunuke ne nkonko ne mandamuna.
c Enzayi mudimu ne ngenyi idibu bafile pa mushindu wa kufila bibejibeji bia ndekelu binudi nabi.
d Mbuelelu webe kapitshi pa munite mujima to, pashishe utungunuke ne nkonko ne mandamuna.
e Mbuelelu webe kapitshi pa munite mujima to, pashishe utungunuke ne nkonko ne mandamuna.