TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 11/03 dib. 4
  • Tukoleshayi bulunda ne Yehowa

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Tukoleshayi bulunda ne Yehowa
  • Mudimu wetu wa Bukalenge—2003
  • Bintu bia muomumue
  • ‘Semenayi pabuipi ne Nzambi’
    Tshibumba tshia Nsentedi tshidi tshimanyisha Bukalenge bua Yehowa—2002
  • Tushemejayi bulunda ne Yehowa
    Tshibumba tshia Nsentedi tshidi tshimanyisha Bukalenge bua Yehowa—2000
  • Malanda ebe ne Yehowa mmalelela anyi?
    Tshibumba tshia Nsentedi tshidi tshimanyisha Bukalenge bua Yehowa—2015
  • Tungunuka ne kudiunda mu nyuma!
    Tshibumba tshia Nsentedi tshidi tshimanyisha Bukalenge bua Yehowa—1998
Tangila bikuabu
Mudimu wetu wa Bukalenge—2003
km 11/03 dib. 4

Tukoleshayi bulunda ne Yehowa

1. Ntshinyi tshivua muanetu wa bakaji umue mufike ku dimona pa bidi bitangila malu ende a mu nyuma?

1 Muanetu kampanda wa bakaji muena Kristo udi wamba ne: “Ndi mu bulelela kukadi bidimu bitue ku 20 anyi ne: kukadi bidimu bipite pa 20 bindi nya mu bisangilu anu bua kuya, ne ngenza mudimu wa buambi anu bua kuenza.” Kadi, udi wamba kabidi ne: “Ndi mufike ku dimona se: nansha mudi bisangilu ne mudimu wa buambi bikale bintu bia mushinga mukole, biobi nkayabi kabiena mua kungambuluisha padi malu akola to. . . . Mpindieu ndi mmona ne: ndi ne bua kushintulula ngelelu wanyi wa meji ne kuikala ne programe muimpe wa dilonga bua meme kumona mua kufika ku dimanya bimpe menemene Yehowa, kumunanga ne kuikala ne dianyisha bua tshidi muanende mufile bua bualu buetu.”

2. Bua tshinyi tudi ne bua kukolesha bulunda ne Yehowa?

2 Kukolesha malanda ne Yehowa kutu kulomba didienzeja bikole. Kakuena kulomba anu kuenza midimu ya bena Kristo nkayayi to. Bituikala katuyi tuyukila ne Yehowa pa tshibidilu mu masambila, imue misangu udi mua kulua kutudi anu bu mulunda wetu wa kale utudi katuyi kabidi tuyukila nende. (Buak. 2:4) Tukonkonone mpindieu mushindu udi dilonga dia Bible dia muntu pa nkayende ne disambila mua kutuambuluisha bua kushemeja bulunda ne Yehowa.​—Mus. 25:14.

3. Mmushindu kayi utudi ne bua kuenza dilonga dietu dia muntu pa nkayende bua kutuambuluishadi bua kusemena pabuipi ne Nzambi?

3 Disambila ne dielangana meji bidi ne mushinga: Dilonga dia muntu pa nkayende didi didisha mutshima kadiena dilomba anu kuela tushonyi patupu kuinshi kua malu manene a mu tshiena-bualu tshitudi tulonga ne kubala nkayaku kua mvese idibu bafile to. Kadi dilonga edi didi ditulomba kuelangana meji pa mushindu udi malu atudi tulonga aleja patoke njila ya Yehowa, mikenji yende ne bumuntu buende. (Ek. 33:13) Patudi tufika ku diumvua malu a mu nyuma, malu aa adi alenga lungenyi luetu ne atusaka ku diela meji pa bidi bitangila nsombelu wetu. (Mus. 119:35, 111) Tudi ne bua kuikala tudilongela muntu pa nkayetu ne tshipatshila tshia kusemena pabuipi ne Yehowa. (Yak. 4:8) Dilonga ne muoyo mujima ditu dilomba dîba, muaba mukumbanyine, ne bua kufika ku dilonga ne muoyo mujima nunku pa tshibidilu bidi bikengela kudibela. (Dan. 6:10) Nansha wewe muikale ne malu a bungi a kuenza, utuku wangata dîba dituku dionso bua kuelangana meji bua ngikadilu milenga ya Yehowa anyi?​—Mus. 119:147, 148; 143:5.

4. Mmunyi mudi kusambila kumpala kua kutuadija dilonga dia muntu pa nkayende mua kutuambuluisha bua kushemeja bulunda ne Yehowa?

4 Kusambila ne muoyo mujima kudi ne muaba munene mu dilonga dia muntu pa nkayende. Bua bulelela bua mu Bible kulengabu mutshima wetu ne kutusaka bua “kukuatshila Nzambi mudimu [wa tshijila] ne kunemekela ne ditshina,” tudi dijinga ne nyuma muimpe wa Nzambi. (Eb. 12:28) Nanku, tudi ne bua kutuadija dilonga dionso ne disambila bua kulomba Yehowa nyuma wende. (Mat. 5:3) Patudi tuela meji pa Mifundu minsantu ne tuenza mudimu ne bintu bidi bulongolodi bua Yehowa butuambuluisha nabi bua kulonga Bible, tudi tunzuluila Yehowa mutshima wetu. (Mus. 62:8) Kubanga dilonga mushindu eu nkuenza bualu bua mu ntendelelu wetu butudi tulejila ditendelela dietu dia Yehowa ne tukolesha lulamatu luetu kudiye.​—Yuda 20, 21.

5. Bua tshinyi tudi ne bua kuikala tuelangana meji dituku dionso pa Dîyi dia Nzambi?

5 Anu bu mutubi bua malunda onso makuabu aa, bulunda buetu ne Yehowa tudi ne bua kuikala tubulengeja dîba dionso bua kuendabu anu bushemakana mu nsombelu wetu yonso. Bua bualu ebu, tuangatayi dîba dituku dionso bua kusemena pabuipi ne Nzambi, bajadike se: yeye pende neasemene pabuipi netu.​—Mus. 1:2, 3; Ef. 5:15, 16.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu