Mamanyisha

▪ Mikanda ya kufila mu Tshisua-munene: Muntu mutambe bunene wa katshia ne katshia. Mikanda mikuabu inudi mua kufila: La Bible: Parole de Dieu ou des hommes?, Miyuki ya mu Mukanda wa Nzambi anyi Udi mua kuikala ne muoyo wa kashidi pa buloba bukudimuna mparadizu. Tshiongo: Nudi mua kufila mukanda wonso mupatula kumpala kua 1988 udi nawu tshisumbu tshienu. Binuikala kanuyi nayi, ilombayi mu bisumbu bidi pabuipi nenu bidi nayi ya bungi. Bisumbu bidi kabiyi ne mikanda ya kale bidi mua kufila mukanda wa L’Humanité à la recherche de Dieu. Luishi: Approchez-vous de Jéhovah. Panuikala kanuyi ne mukanda eu, nudi mua kufila mukanda wa La vie: Comment est-elle apparue? Évolution ou Création? anyi Buakabuluibua​—Nkomenu wabu munene ukadi pabuipi!

▪ Tudi tuvuluija bana betu badi batangila malu a konte mu tshisumbu ne: mapa adibu bela mu kashete ka Mapa bua mudimu wetu wa buloba bujima ne Mapa bua luibaku lua Nzubu ya Bukalenge badi ne bua kuatuma ku ngondo yonso ne kabena ne bua kuatula bua bualu kampanda anyi kansanga budi bukengedibua ku Nzubu wa Bukalenge ne lupangu ludiye anyi bua muanda kayi wonso udi utangila majinga a tshisumbu nansha.

▪ Netutumine tshisumbu tshionso tubeji tua dibikila natu bantu bua Tshivulukilu tshia tshidimu tshia 2004 bilondeshile muakulu watshi. Bikalaku miakulu mikuabu mu teritware wenu ne nuenu bikale dijinga ne tubeji tukuabu tua mu miakulu eyi, nudi mua kutulomba kakuyi dijingakana mu dilomba dienu dia mikanda panuuja formilere wa S-14. Mêna a miakulu ikala tubeji etu neapatuke mu dibeji dia “Mamanyisha kudi bisumbu bionso” ditubu batumina tshisumbu ne tshisumbu tshionso ku ngondo yonso. Suayi nulombe tubeji etu anu bua miakulu idi ikengedibua idi bantu ba mu teritware wenu bakula.

▪ Nuavulukayi ne: Tshivulukilu tshia mu tshidimu tshia 2005 netshienzeke mu Dinayi dia matuku 24 ngondo muisatu kunyima kua dibuela dia dîba. Mbadianjile kumanyisha dituku edi kumpala kua dîba bua bisumbu bitu bisangila Nzubu wa Bukalenge umue bimone mua kudianjila kukeba miaba mikuabu idi bimue mua kuya kuenzela Tshivulukilu. Bakulu bumvuangane bimpe ne muena muaba au bua dituku adi kabenzedipu makuabu malu adi mua kupangisha bua Tshivulukilu kuenzekatshi mu ditalala ne mu bulongame. Bu mudi tshibilu etshi ne mushinga wa bungi, kasumbu ka bakulu nekasungule mukulu utu ngamba-malu muimpe, pamutu pa kuikalabu benza muyuki eu bashilangana peshi basungula anu mukulu umue umue tshidimu tshionso. Bikalaku mukulu mukumbane udi muikale muela manyi ne udi mua kuenza muyuki eu, yeye ke udibu ne kusungula bua kuwenza.

▪ Kubangila ku dia 15 ngondo muisatu 2004 too ne ku dia 16 ngondo muisatu 2005, netulonge mukanda wa Approchez-vous de Jéhovah mu tusumbu tua malonga a mukanda.

▪ Biro bia filiale ne depo yetu kabitu bienza mudimu wa diabanya mikanda mifundila bantu kampanda nansha. Anu mikanda idibu batuma biro, bisumbu ne batangidi bena-ngendu ke idibu mua kutuma. Tudi tulomba bisumbu bionso bua kunemeka muanda eu. Nudi mua kutumina mikanda yenu ku poste anyi kumpanyi mikuabu ya malu a dituminangana mikanda. Ne tshisumbu tshidi tshituma mikanda ku biro bia filiale ke tshidi ne bua kufuta bionso bialombabu bua dituma edi. Tusumbu tua bakulu tudi ne bua kutangila pa tshibidilu bua tshisumbu tshiabu kuikalatshi tshifuta makuta aa.