Diambuluisha bua kumona mua kulekela mashi

Kabiakuikala ne mushinga bua bamanyishi bakadi batambule bavua buuje karte ka Instructions médicales prévisionnelles ne ka Document d’identité médical bua bana kadi kakayi ne matuku a ngondo anyi ka mu ngondo muisatu 1999, kuuja kakuabu karte tshidimu etshi to. Tudi tuamba nunku bualu mu Tshisangilu tshia Mudimu tshia mu lumingu lua dia 29 Tshisua-munene, sekretere neakebe bungi bukumbane bua tuarte etu bua bapiabapia badi batambule ne bana babu, ne bua bana betu bakuabu badi bakeba bua kutushintululula. Katuakutumina bisumbu tuarte etu musangu eu to. Kadi bikala tshisumbu katshiyi natu bungi bukumbane, sekretere udi mua kutulomba mu bisumbu bidi pabuipi anyi kutulomba mu dilomba diabu dia mikanda dia musangu walonda.

Tuarte etu ntua diujila bimpe bimpe ku nzubu, kadi KABENA ne bua kutuapu biala to. Bualu mu Dilonga dia Mukanda dia musangu udi ulonda ke dîba diashishabu kutuapu biala kudi bantemu ba muntu ne kufundapu matuku a ngondo, ne bikalabi bikengela diambuluisha, Mutangidi wa dilonga udi mua kuambuluisha badi badikengela.

Bamanyishi badi kabayi banji kutambula badi mua kufunda mêyi a buena adi mu karte eyi buabu ne bua bana babu, tshikola baakaje bilondeshile nsombelu wabu.