Mamanyisha

▪ Luishi: Approchez-vous de Jéhovah. Panuikale kanuyi ne mukanda eu, nudi mua kufila mukanda wa Création (mu bunene anyi mu bukese buawu) anyi wa Buakabuluibua​—Nkomenu. Luabanya: Dimanya didi difikisha ku muoyo wa kashidi. Nenuenze muenu muonso bua kutuadija kulonga Bible ne bantu. Bikala bantu bakadi ne mukanda eu, nudi mua kufila mukanda wa Prêtons attention à la prophétie de Daniel!

▪ Mutangidi-muludiki anyi muntu mukuabu wasungulaye neenze invantere wa konte wa tshisumbu mu dia 1 ngondo muisatu anyi matuku makese kunyima kua dituku adi. Pashishe, bidi bikengela kumanyisha tshisumbu mu mamanyisha a luapolo lua konte lualonda. Nubale mukanda wonso unudi bapete udi unuela kalumbandi bua mapa adi tshisumbu tshifile bua mudimu wa diyisha pa buloba bujima ne bua mapa makuabu onso mafila ku bulongolodi.

▪ Sekretere ne mutangidi wa mudimu badi ne bua kukonkonona fishi ya mudimu ya bampanda-njila bonso ba pa tshibidilu. Kuoku kuikale mpanda-njila udi ne lutatu lua kukumbaja mêba malomba, bakulu badi ne bua kumuambuluisha. Bua ngenyi mikuabu, tangilayi mu mukanda wa S-201 utubu batumina bisumbu ku tshidimu tshionso.

▪ Muyuki wa patoke wa pa buawu bua tshikondo tshia Tshivulukilu tshia 2004 newikale ne tshiena-bualu etshi “Ikala ne dikima ne eyemena Yehowa.” Tangilayi dimanyisha didi ditangila muanda eu mu Mudimu wetu wa Bukalenge wa Kabitende 2003.

▪ Mutangidi muludiki udi ne bua kulongolola kakuyi dijingakana bua bakulu bakonkonone nkonko idi mu mukanda wa Badilongolole bua kuenza mudimu wetu bimpe ne bantu badi basue kutambula. Kabiena bikengela kushala anu bindile dituku dia mpuilu bua kutuadija kukonkonona nkonko eyi ne bamanyishi badi basue kutambula to. Ki mbambe ne: mulumbidi wa batismo ikale ne mukanda mubuikila bua kuandamuna ku nkonko anu mu mutu to. Udi mua kuenza mudimu ne mukanda eu, kadi ufila mandamuna mu yende miaku. Tshipatshila tshia bakulu ntshia kumanya buondoke bua lumvu ludi nalu muntu lua malongesha a mu Bible.​—Tangila Mudimu wetu wa Bukalenge wa Kabalashipu 1987 ne wa Tshisua-munene 1987 mu mandamuna ku nkonko yenu.