Diambulula bua Kalasa ka Mudimu wa Nzambi
Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 23 Luishi 2004. Mutangidi wa Kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 5 Tshiongo too ne mu lua dia 23 Luishi 2004. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.—Tangila mukanda wa Kalasa ka Mudimu, dib. 36-37.]
NGIKADILU YA BUNGAMBA-MALU
1. Ntshinyi tshitudi ne bua kuenza bua kumona mua kuleja bimpe dikuatshisha didi nadi malu atudi tulongesha kudi bateleji bua se: abambuluishe? [be dib. 158 tshik. 2-4]
2. Bua tshinyi tudi ne bua kusungula miaku yetu ne lungenyi luonso? [be dib. 160 tshik. 1 ne kazubu kibidi]
3. Ngakuilu kayi muimpe udibu baleje mu 1 Kolinto 14:9 udi ukengedibua bua tuetu kuikala nende, ne mmunyi mutudi mua kulonda dîyi edi patudi tulongesha? [be dib. 161 tshik. 1-4]
4. Bilondeshile Matayo 5:3-12 ne Mâko 10:17-21, nngikadilu kayi mulenga utudi ne bua kuidikija mu ndongeshilu wa Yezu? [be dib. 163 tshik. 1]
5. Mu mudimu wetu wa buambi anyi patudi tufila mandamuna mu bisangilu bia tshisumbu, bua tshinyi tudi ne bua kudienzeja bua kupatula miaku milenga idi ileja bukole, ilenga mutshima, ne ilengeja malu? (Mat. 23:37, 38) [be dib. 164 tshik. 1-2]
MUDIMU NO. 1
6. Mutu wa bualu wa muyuki ntshinyi, ne mmunyi mudi muntu mua kuenza nawu mudimu bimpe padiye usungula ne ulongolola malu a kuamba mu muyuki? [be dib. 39 tshik. 6–dib. 40 tshik. 1]
7. (a) Kuikala mukezuke mu nyuma kudi kumvuija tshinyi, ne bua tshinyi tudi mua kuamba ne: bukezuke bua mu nyuma mbupite dikezuka dionso? (b) Mmunyi mudi bena Kristo mua kuepuka dianyisha dia malu a dipanga bukezuke bua mu bikadilu didi mu bantu lelu? [w02 1/2 dib. 5-6]
8. Munkatshi mua mêyi onso adi mu Bible, ngepi adi ne mushinga mupite wa makuabu? [w02 15/2 dib. 5 tshik. 1, 4, 6]
9. Diditeka pa muaba wa bakuabu ntshinyi, ne mmunyi muvua Yezu muleje ngikadilu eu? [w02 15/4 dib. 25 tshik. 4-5]
10. Mmunyi mudi Nsumuinu 11:11 ukumbanyina bisumbu bia bantu ba Yehowa? [w02 15/5 dib. 27 tshik. 1-3]
DIBALA DIA BIBLE DIA KU LUMINGU
11. “Mutshi wa muoyo” udibu batele mu Genese 2:9 udi tshimfuanyi tshia tshinyi?
12. Bua tshinyi mukaji wa Lota wakajimija muoyo wende? (Gen. 19:26) [w90-F 15/4 dib. 18 tshik. 10, Mfual.]
13. Mu muyuki wa tshiprofete udi mu Genese nshapita wa 24, nnganyi udi tshimfuanyi tshia (a) Abalahama, (b) Isaka (c) Eliezê muena mudimu wa Abalahama, (d) tumelu dikumi, ne (e) Lebeka?
14. Nzambi uvua mudianjile kufundila Yakoba ne Esau malu avua ne bua kubafikila anyi? (Gen. 25:23)
15. Mmu mushindu kayi muvua Lakele muikale tshilejilu tshimpe tshia muntu uvua Yehowa mubeneshe bua madikolela avuaye muenze ne muoyo mujima? (Gen. 30:1-8) [w02 1/8 dib. 29-30]