Mamanyisha

▪ Mikanda ya kufila mu Luabanya: Dimanya didi difikisha ku muoyo wa kashidi. Nuenze muenu muonso bua kutuadija kulonga Bible ne bantu. Bikala bantu bakadi ne mukanda eu, nudi mua kufila mukanda wa Prêtons attention à la prophétie de Daniel! Tshisanga ne Lumungulu: Nufile Tshibumba tshia Nsentedi ne Réveillez-vous! Panudi nupinganyina bantu bavua basankidile bulelela, kusangisha ne aba bonso bavua balue mu Tshivulukilu anyi mu tshisangilu kayi tshikuabu tshionso tshia tshisumbu kadi kabayi banji kutuadija kudisangisha netu pa tshibidilu, nudienzeje bua kubapesha mukanda wa Tutendelelayi Nzambi. Nuditatshishe bua kutuadija kulonga Bible ne bantu, nangananga bikala bamue ba kudibu bakavua bamane kulonga mukanda wa Dimanya anyi broshire wa Utulomba. Kabalashipu: Longa malu kudi Mulongeshi Munene. Muntu yeye muambe ne: kêna ne bana, mupeshe broshire wa Utulomba. Paudi ufila broshire eu, ukebe mua kutuadija malonga a Bible.

▪ Biro bia filiale kabiena biandamuna ku dilomba dia muntu pa nkayende dia mikanda nansha. Mutangidi muludiki udi ne bua kulongolola bua ku ngondo yonso bikale bafila dimanyisha kumpala kua kutumabu dilomba dia mikanda ku biro bia filiale bua muntu yonso udi musue kupeta mikanda idiye nayi dijinga amanyishe muanetu udi ulama mikanda. Kadi nuikala bavuluke mikanda itubu balomba anu ku dilomba dia pa buadi.

▪ Bisumbu bionso bidi ne bua kuenza mudimu ne mukanda wa Kalasa ka Mudimu wa Nzambi kadi kakuambuluisha bua tshitupa tshia Ngikadilu wa bungamba-malu anu bu mudibi bileja mu programe wa Kalasa ka Mudimu wa Nzambi. Bikala mukanda eu kawuyiku mu muakulu wenu, suayi nuenze mudimu ne wa mu muakulu mukuabu unudi mua kupeta. Tshitupa tshia ngikadilu wa bungamba-malu ki ntshia kutumpika kabidi nansha.

▪ Dilonga dia Mukanda dia Tshisumbu didi ne bua kuenzeka anu bu pa tshibidilu nansha padi tshisumbu ne bua kubuela mu Mpungilu wa Distrike lumingu alu. Kadi bikala dilonga dia mukanda ditu dienzeka dituku dia mpuilu, nudi mua kuenza dilonga edi ku ntuadijilu kua dituku edi anyi pamu’apa mu Dibidi. Mu lumingu lua mpuilu wa tshijengu, dilonga dia mukanda didi ne bua kuenzeka kumpala kua lumingu alu kujikalu. Mu lumingu lua mpuilu wa pa buende wa dituku dimue, Dilonga dia Mukanda dia Tshisumbu, Kalasa ka mudimu wa Nzambi ne Tshisangilu tshia Mudimu bidi ne bua kuenzeka anu bu pa tshibidilu.

▪ Mbulamatadi wa ditunga dia Congo udi ulomba baledi bonso bua kufundisha bana balelela mu ditunga edi ku mikanda ku komine mu matuku 30 adi alonda diledibua dia muana. Mukanda wa diledibua utubu bafila mu nzubu ya baleleshi nkayawu kawena mukumbane nansha. Muana yonso udi ne bua kuikala ne mukanda wa kua mbulamatadi wa diledibua diende. Bantu bonso badi muanda eu utangila badi ne bua kutumikila mukenji eu, bawangata bu mushindu udi bena Kristo batumikila bamfumu ba mbulamatadi.

▪ Bikala tshisumbu ne dijinga dia tubeji tukuabu tua tumanyinu tua mpungilu, tshidi mua kuenza dilomba diatu pamue ne edi dia mikanda mu formilere wa Demande de publications (S-14). Tuzubu tua tumanyinu ntua kulomba kabidi mu tshisumbu bua bantu bonso badi natu dijinga. Suayi nuenze dilomba dienu kumpala kua tshikondo tshia mpungilu.