Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Luab.

“Tudi tukubikila mu tshibilu tshia Didia dia Mukalenge tshienzeka mu Dia lumingu dia matuku 4 a ngondo muinayi. [Mumvuije bua tshibilu etshi ku diambuluisha dia dibeji dia ndekelu dia tshibejibeji tshiudi natshi anyi dia kabeji ka dibikila mu Tshivulukilu. Pashishe bala Luka 22:19.] Biena-bualu bia ntuadijilu bia mu Tshibumba tshia Nsentedi etshi bidi bifila diumvuija dia tshibilu etshi ne mushindu ututshi tshienzeka.”

Réveillez-vous! 22 Mars

Kunyima kua wewe mumane kuleja muanda kampanda wa kanyinganyinga udi mu mitu ya bantu, udi mua kukonka ne: “Ukadiku mudikonke tshidi Nzambi mmulekeele malu mabi a mushindu eu enzeka anyi? [Lekela muntu andamune. Pashishe bala Yakobo 1:13.] Tshiena-bualu etshi, tshidibu bafundile nangananga bansonga, tshidi tshiumvuija bua tshinyi Mufuki wetu wa dinanga kêna muanji kuimanyika ntatu ya bukua-bantu too ne mpindieu.”

Tshibumba tshia Nsentedi 1 Tshis.

“Imue mvese ya mu Bible mmifikishe bantu ku difuikakaja diumvuija diayi bu mudi diumvuija didi Bible ufila dia nshinga mukole kujandula wa tshimanyinu tshia nyama wa lonji. Ukadiku mumvue bakula bua nyama eu anyi? [Lekela muntu andamune. Pashishe bala Buakabuluibua 13:16-18.] Bible nkayende udi ufila bimanyinu bidi mua kuambuluisha bua kupeta diumvuija dia bualu busokome ebu. Tshibejibeji etshi tshidi tshiumvuija tshidi bimanyinu ebi.”

Réveillez-vous! 8 Avril

“Bantu ba bungi batu bamanye muyuki wa nsombelu wa Mose. Kadi uvuaku mumanye ne: Mose wakambaku bualu kampanda budi butangila nsombelu wetu lelu anyi? [Lekela muntu andamune. Pashishe bala Dutelonome 18:15.] Tshibejibeji tshia Réveillez-vous! etshi tshidi tshileja eu udi muprofete uvuabu bandianjile kumanyisha au ne tshikalaye ne bua kuenza bua disanka dia bukua-bantu.”