Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Luab.

“Udi wela meji ne: malongesha a Yezu adi ne mushinga matuku etu aa anyi? [Lekela muntu andamune.] Kakuyi mpata, newanyishe mukenji eu wakafila Yezu dituku dia ndekelu dia muoyo wende. [Bala Yone 15:12.] Dituku adi Yezu wakalongesha kabidi malongesha makuabu a mushinga. Tshibumba tshia Nsentedi etshi tshidi tshileja mushindu udi malongesha aa mua kutuambuluisha.”

Réveillez-vous! 22 mars

“Ukadiku mumone bua se: lelu bantu ba bungi badi ne lutatu bua kulala tulu bimpe anyi? [Lekela muntu andamune.] Kanyinganyinga anyi disumpakana bidi mua kupangisha muntu bua kulala bimpe. [Bala Muambi 5:12.] Tshibejibeji etshi tshidi tshileja amue malu adi akebesha tshitabela, ne tshidi tshifila mibelu mimpe ya mushindu utudi mua kulengeja ndadilu wetu wa tulu.”

Tshibumba tshia Nsentedi 1 Tshisa.

“Mbaleje muaba eu didia ditubu babikila ne: Didia dia Mukalenge. [Leja tshizubu tshia pa mpala ne panyima pa tshibejibeji.] Udiku mumanye ne: eu ke muanda umuepele udibu balombe bena Kristo bua kuvuluka anyi? [Lekela muntu andamune. Pashishe bala Luka 22:19.] Tshibejibeji etshi tshidi tshiumvuija bua tshinyi musekelelu eu udi ne mushinga wa bungi menemene, ne tshileja kabidi mushindu udiwu ukutangila.”

Réveillez-vous! 8 avril

“Kabienaku bibungamija bua kumona mudi bansonga ba bungi badinyange ne diamba ne bintu bidi bikuatangana anyi? [Lekela muntu andamune.] Misangu mivule ntatu itu ituadija padi bansonga babanga kusomba ne balunda babi. [Bala 1 Kolinto 15:33.] Réveillez-vous! eu udi uleja tshitu tshisaka bansonga bua kubanga kunua diamba ne bintu bidi bikuatangana, ne udi uleja tshidi baledi mua kuenza bua kubakuba.”