Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshis.

“Ukadiku mumone pebe mudi ngumu idi bantu bapete iloka bungi bu mvula anyi? [Lekela muntu andamune.] Payi kayena nansha ne malu a nsongo adi mapite bualu budibu bumvuije mu mvese eu to. [Bala Yone 17:3.] Tshibejibeji etshi tshidi tshiumvuija tshidi ‘muoyo wa tshiendelele’ ne mushindu utudi mua kupeta dimanya didi mua kutufikishaku.”

Réveillez-vous! 22 Tshis.

“Nansha mudi pamuapa Yezu Kristo mumanyike bimpe kupita muntu mukuabu yonso eu, bantu bavule batu badiebeja bua kumanya tshidiye menemene. Udiku mumanye ne: nansha bapostolo bende bine bavua badiebeja pabu bualu buine ebu anyi? [Lekela muntu andamune. Pashishe ubale Mâko 4:41.] Tshibejibeji etshi tshidi tshiumvuija tshidi Bible wamba bua tshidi Yezu menemene.”

Tshibumba tshia Nsentedi 1 Lum.

“Padi muntu utudi banange ufua, dijinga dietu tuetu bonso ditu anu dia kulua kumonanganaku nende kabidi. Kutu ujingaku pebe nanku anyi? [Lekela muntu andamune.] Ditekemena dia dibika dia bafue didi Bible mulaye ndikoleshe ba bungi ku muoyo. [Bala Yone 5:28, 29.] Tshibejibeji etshi tshidi tshileja dîba diabika bafue ne bantu bikala menemene mua kubishibua ku lufu.”

Réveillez-vous! 8 Lum.

“Baledi ba bungi batu basunguila bana babu bindidimbi bidibu babitabila bua kubandila. Bitu bikutatshishaku bua kumanya mua kusungula filme mimpe idi ba mu dîku dienu mua kubandila anyi? [Lekela muntu andamune. Pashishe ubale Efeso 4:17.] Tshibejibeji etshi tshidi tshileja mushindu udi baledi mua kuambuluisha bana babu bua kusungula mishindu mimpe ya kujikija nayi lutetuku.”