Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Tshis.

“Bu mudibu banyanga bintu bidi pa buloba, ukadiku mudiebeje ne: buloba ebu nebushaleku kashidi anyi? [Lekela muntu andamune.] Mona bualu buimpe budi Nzambi mutulaye. [Bala Musambu 104:5.] Tshiena-bualu etshi tshidi tshileja tshidi Bible wamba bua tshiafikila buloba.” Leja tshiena-bualu tshidi mu dibeji dia 10.

Réveillez-vous! Tshis.

“Bu mututu ne bia bungi bia kuenza, ba bungi batu bapangila mua kupeta dîba dia kutendelela Nzambi. Bualu ebu butu bukutatshisha pebe anyi? [Lekela muntu andamune. Pashishe ubale Efeso 5:15-17.] Tshiena-bualu etshi tshidi tshileja diumvuija dikumbanyine dia mu Bible dia bukole ne bungi bua dîba bidi Nzambi utulomba bua kumutendelela nabi.” Leja tshiena-bualu tshidi mu dibeji dia 20.

Tshibumba tshia Nsentedi 1 Lum.

“Bantu ba bungi batu bamba mutubu bitaba anu bintu bidibu bamona. Mmuomu anyi? [Lekela muntu andamune. Pashishe ubale Lomo 1:20.] Tshibejibeji etshi tshidi tshileja ngikadilu minene isatu ya Nzambi idi imueneka bipepele mu bidiye mufuke, tshiumvuija ne mushindu udi ngikadilu eyi mua kutuambuluisha patudi tuyimanya.”

Réveillez-vous! Lum.

“Bantu ba bungi lelu bakadi batshina matuku atshilualua. Udi wela meji ne: malu nealengelaku anyi neabipe kupite apa? [Lekela muntu andamune. Pashishe ubale Buakabuluibua 21:3, 4.] Tshibejibeji etshi tshidi tshiumvuija tshitudi ne bua kushadila batekemene ne: Nzambi neajikije ntatu yonso mikole idi bantu bapangile mua kujikija eyi.”