Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 26 Tshisanga 2004. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 1 Luabanya too ne mu lua dia 26 Tshisanga 2004. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka Mudimu, dib. 36-37.]

NGIKADILU YA BUNGAMBA-MALU

1. Patudi tuenza muyuki, bua tshinyi mbitambe buimpe bua tuetu kuwenzela pa plan (muenza ne malu manene) pamutu pa kuubala mu kabujima mufunda malu onso muaku ku muaku? [be dib. 166 tshik. 3]

2. Patudi tudilongolola bua kupatuka mu buambi, mmunyi mutudi mua kulongolola plan wa ngenyi ya bituamba mu mutu? [be dib. 167 tshik. 2]

3. Bilondeshile malu adi mu Bienzedi 13:16-41 ne Bienzedi 17:2, 3, umvuija mushindu uvua Paulo ‘utuisha bantu ne: Yezu udi Kristo.’ (Bienzedi 9:22) [be dib. 170 tshik. 2]

4. Mbipeta kayi bimpe bidiku padi muntu wenza muyuki wakula kayi wenda uubala? [be dib. 175 tshik. 2-5]

5. Ng’amue malu kayi atu abuejangana mu buteyi padi muntu ujinga kuakula kayi wenda ubala, ne ntshinyi tshidi mua kutuambuluisha bua kuepuka? [be dib. 175 tshik. 6–dib. 176 tshik. 3]

MUDIMU NO. 1

6. Bilondeshile bualu budi mu Genese 32:24-32, Yakoba, mukulakaje wa bidimu 97, wakenza tshinyi bua kupeta dibenesha dia kudi Yehowa, ne abi bidi bitulongesha tshinyi? [w02 1/8 dib. 29-31]

7. “Bukole bua kupangadija malu” ntshinyi, ne mmunyi mudibu mua kutuepula ku dijimija nkatshinkatshi wetu ne ku tunyinganyinga tua patupu? (Nsu. 1:4) [w02 15/8 dib. 21-22]

8. Mmushindu kayi udi muenji wa muyuki wa patoke mua kuvuija Mifundu Minsantu tshishimikidi tshia muyuki wende? [be dib. 52 tshik. 6–dib. 53 tshik. 5]

9. Mmapangadika kayi adi ngamba-malu ne bua kuangata yeye mumane kusakidila mumvuija mimpe a mvese mu plan wa muyuki wende? [be dib. 54 tshik. 2-4]

10. Bua tshinyi Yehowa wakadisha bena Isalele mana mbingu ne mbingu, ngondo ne ngondo mu tshipela, ne muanda eu udi utulongesha tshinyi? (Dut. 8:16) [w02 1/9 dib. 30 tshik. 4-dib. 31 tshik. 1]

DIBALA DIA BIBLE DIA KU LUMINGU LUONSO

11. Anu bu mudibi bilonda mu Genese 37:12-17, ndifuanangana kayi didi pankatshi pa nsombelu wa Yosefe ne wa Yezu? [w87-F 1/5 dib. 12 tshik. 12, Mfual.]

12. Bilondeshile mutudi tubibala mu Genese 42:25-35, mmushindu kayi uvua Yosefe muleje luse lua buena luvua Yezu muleje? [w87-F 1/5 dib. 18 tshik. 10; dib. 19 tshik. 17, Mfual.]

13. Mmunyi mudi bintu bidi kasumbu ka mupika kafila lelu bifuanangane ne diabanya dia biakudia dia mu tshikondo tshia Yosefe? (Gen. 47:21-25)

14. Ntshinyi tshivua Yehowa usua kuleja pa bidi bitangila dîna diende pakambaye ne: “Meme ndi mundi”? (Ekes. 3:14, 15)

15. Nnjiwu kayi ibidi itu yenda ne midiabakenu idi mileja mu Ekesode 16:2, 3? [w93 15/3 dib. 20-21]