Mamanyisha

▪ Mikanda ya kufila mu Tshisanga ne Lumungulu: Nufile Tshibumba tshia Nsentedi ne Réveillez-vous! Panudi nupinganyina bantu bavua banyishe bulelela, tshilejilu aba bavua babuele mu Tshivulukilu ne mu bisangilu bikuabu binene kadi kabayi ne tshibidilu tshia kudisangisha ne tshisumbu, nutambe kudienzeja bua kubashila mukanda wa Tutendelelayi Nzambi. Nuenze muenu muonso bua kutuadija nabu dilonga Bible, nangananga bikala bamue ba kudibu bamane kulonga mukanda wa Dimanya ne broshire wa Utulomba. Kabalashipu: Longela malu kudi Mulongeshi Munene. Biamba muntu ne: kêna ne bana to, nufile broshire wa Utulomba. Nuenze muenu muonso bua kutuadija kulonga Bible ne bantu ne broshire eu. Kashipu ne Tshimungu: Broshire yonso wa mabeji 32 wa ku idi ilonda eyi: Bukalenge bualua kuasa mparadizu; Ikalayi ne muoyo wa kashidi ne disanka pa buloba!; Le nom divin qui demeure à jamais; “Monayi! Ndi mvuija bintu bionso bipiabipia”; Ntshinyi tshidi tshitufikila patudi tufua?; Padi muntu uudi munange ufua; Spiritu ya bafue​—Idi mua kukuambuluisha anyi kukuenzela bibi? Ituku menemene anyi?; Tudi ne bua kuitabuja Busatu Bunsanto anyi? ne Ukadi mu njila wa muoyo wa tshiendelele anyi?

▪ Kutuadijila mu ngondo muisambombo, nebabange kunutumina tumanyishilu tua mpungilu wa distrike wa 2004 mu mikanda yanutuminabu. Nebanutuminetu mu tubuki tua tumanyishilu 25 ku kabuki konso bilondeshile bungi bua bamanyishi ba tshisumbu tshionso. Tshisumbu tshiotshi dijinga ne tumanyishilu tukuabu, nudi mua kutulomba mu formilere wa Demande de publications (S-14). Nudi mua kulomba tubombi tua kuelela tubeji tua tumanyishilu bua muntu yonso udi natu dijinga mu tshisumbu tshienu.

▪ Bidi ne mushinga bua biro bia filiale kuikalabi ne adrese ne nimero ya telefone mipiamipia ya batangidi-baludiki ne ba-sekretere. Padiku dishintuluka kampanda dîba kayi dionso, bena Komite wa Mudimu wa Tshisumbu badi ne bua kuuja formilere wa Surveillant-président/​Secrétaire, changement d’adresse (S-29) kutuapu biala ne kumutuma pa lukasa ku biro bia filiale. Nenutume kabidi formilere eu padi nimero ya telefone mishintuluke.

▪ Ba-sekretere ba bisumbu badi ne bua kuikala ne formilere bungi bukumbane ya Demande d’admission au service de pionnier permanent (S-205) ne ya Demande d’admission au service de pionnier auxiliaire (S-205b). Nudi mua kuyilombesha mu formilere wa Demande de publications (S-14). Ikalayi ne formilere bungi bukumbane bua tshidimu tshijima. Ikalayi nukonkonona formilere yonso ya badi balomba bua kulua bampanda-njila ba pa tshibidilu bua se: ikale miuwuja bimpe. Padi bamanyishi badi balomba mudimu eu kabayi bavuluka dituku menemene diakatambulabu, badi mua kutshinka nansha dia kutshinka ne kushala badilame bimpe difunda pa muaba kampanda.