Tufilayi mukanda wa Longa malu kudi Mulongeshi Munene

▪ “Udi wela meji ne: buloba buvua mua kuikala muaba muimpe wa kusomba bu bantu batumikila dîyi edi anyi? [Bala Matayo 7:12a. Lekela muntu andamune.] Mukanda eu udi ne malongesha a bungi a kudi mulongeshi mutambe bunene wa katshia ne katshia.” Umvuija bimfuanyi bidi mu nshapita wa 17 ne miaku idi ibiumvuija.

▪ “Baledi ba bungi lelu batu bakeba kulongesha bana babu bikadilu bimpe. Udi wela meji ne: bualu ebu budi ne mushinga anyi? [Lekela muntu andamune. Pashishe ubale Nsumuinu 22:6.] Badi balomba baledi bua kutuadija kulongesha bana babu patshidibu anu bapuekele menemene. Mukanda eu mmuenza bua kuambuluisha baledi bua kuenza nunku.” Umvuija bimfuanyi bidi mu nshapita wa 15, wa 18 anyi wa 32 ne miaku idi ibiumvuija.

▪ “Misangu ya bungi baledi batu bakema bua nkonko itu bana babu babela. Imue ya ku nkonko eyi itu mikole bua kuyandamuna, ki mmuomu anyi? [Lekela muntu andamune. Pashishe bala 2 Timote 3:14, 15.] Mamuende ne kakuende wa Timote bavua bamulongeshe kubangila ku buana buende tshivua Mukanda wa Nzambi wamba. Mukanda eu udi mua kuambuluisha baledi bua kulongesha pabu bana babu lelu’eu.” Umvuija bimue bimfuanyi bidi mu nshapita wa 11 ne wa 12 anyi wa 34 too ne ku wa 36 ne miaku idi ibiumvuija.