Mamanyisha

▪ Mikanda ya kufila mu Kabalashipu: Longa malu kudi Mulongeshi Munene. Muntu yeye muambe ne: kêna ne bana to, numupeshe broshire wa Utulomba. Paudi ufila broshire eu, ukebe mua kutuadija kulonga Bible ne bantu. Kashipu ne Tshimungu: Broshire yonso wa mabeji 32 wa ku idi ilonda eyi: Bukalenge bualua kuasa Mparadizu, Ikalayi ne muoyo wa kashidi ne disanka pa buloba!, Le nom divin qui demeure à jamais, ‘Monayi, Ndi mvuija bintu bionso bipiabipia,’ Ntshinyi tshidi tshitufikila patudi tufua?, Nzambi udi ututabalela anyi?, Quel est le but de la vie? Comment le découvrir?, Padi muntu uudi munange ufua ne Tudi ne bua kuitabuja Busatu Bunsanto anyi?

▪ Bua kukuba Nzubu wa Bukalenge, muntu wa ndekelu udi upatukamu udi ne bua kukanga biibi bionso. Yeye kayi mumanye mua kubikanga bimpe, akebe muanetu mukuabu udi mumanye mua kubikanga ne indile too ne padiye ufika. Bakulu badi ne bua kuikala ne liste wa mêna a bana betu badibu bapeshe nsapi ya Nzubu wa Bukalenge.

▪ Padi mpanda-njila kampanda ushintulula tshisumbu, ku dilomba dia tshisumbu tshidiye muye etshi, sekretere udi ne bua kutuma mukanda (S-202) udi uleja ne: muanetu eu udi mpanda-njila, fishi wende wa bamanyishi (S-21) kabidi ne mukanda wa dimumanyisha nawu kudi bakulu ba mu tshisumbu tshipiatshipia. Sekretere wa mu tshisumbu tshipiatshipia ke udi ne bua kuuja miaba idi ikengedibua mu mukanda eu (S-202) mu dibeji dia kumpala ne kuutumaye pende ku biro. Pikala mpanda-njila mubuele mu dibaka anyi mushintulule dîna diende, suayi nufunde kabidi mu dibeji dia kumpala dia mukanda (S-202) ne nuutume ku biro. Mu nsombelu yonso ibidi eyi, tuetu bamane kuakaja mu formilere itudi nayi ku biro, netutume mukanda mupiamupia udi uleja mudi muanetu au mutekibue mpanda-njila mu tshisumbu tshidiye mpindieu.

▪ Patuabuela mu Mpungilu wa Distrike wa “Tuendayi ne Nzambi,” katupu muoyo bua kufunda malu makese mu tshikoso, alua kutuambuluisha dîba ditualua kuambulula malu a mu programe eu mu Tshisangilu tshia Mudimu panyima pa matuku.