Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 28 Kabalashipu 2004. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 3 Lumungulu too ne mu lua dia 28 Kabalashipu 2004. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka Mudimu, dib. 36-37.]

NGIKADILU YA BUNGAMBA-MALU

1. Mmalu kayi adi mua kutupangisha bua kuakula bu badi bayikila anyi kutufikisha ku ngakuilu mumakane wa mu mikanda patudi ku tshiakuidi? [be dib. 179 tshik. 4]

2. Bua tshinyi kuakaja kua dîyi kakuena anu kulomba kupuyakana bimpe ne kutekesha mifungu (anyi mijilu) idi mitandabale? [be dib. 181 tshik. 2]

3. Patudi tuambila bakuabu bulelela bua mu Bible, mmalu kayi a mushinga atudi mua kukumbaja bua ‘kulua muena malu onso kudi bonso’? (1 Kol. 9:20-23) [be dib. 186 tshik. 2-4]

4. Ntshinyi tshidi tshikengedibua bua kuteleja ne ntema mu buambi? [be dib. 187]

5. Bua tshinyi mbimpe bua kuleja kanemu kudi muntu yonso utudi tupetangana nende mu buambi? [be dib. 190]

MUDIMU NO. 1

6. Bantu badi balongesha malongesha a Nzambi badi ne tshipatshila kayi, ne ntshinyi tshidi mua kutuambuluisha petu bua kufika ku tshipatshila atshi? (Mat. 5:16; Yone 7:16-18) [be dib. 56 tshik. 3–dib. 57 tshik. 2]

7. Bua tshinyi mbimpe kuleja dishilangana didi pankatshi pa malu patudi tulongesha, ne mmunyi muvua Yezu wenza mudimu ne ndongeshilu eu? [be dib. 57 tshik. 3; dib. 58 tshik. 2]

8. Mmunyi muvua dilongesha dia Yezu dilenga mitshima ya bantu bishilangane ne dia Bafalese? [be dib. 59 tshik. 2-3]

9. Mmunyi mutudi mua kuambuluisha bantu batudi tulongesha bua kutumikilabu malu atudi tubambila katuyi tubangatshila mapangadika? [be dib. 60 tshik. 1-3]

10. Mmunyi mutudi mua kuandamuna nkonko ya muntu pa malu adiye ne bua kudiangatshila yeye nkayende mapangadika? [be dib. 69 tshik. 4-dib. 70 tshik. 1]

DIBALA DIA BIBLE DIA KU LUMINGU LUONSO

11. Bua tshinyi Mose uvua ne bua kulonda anu mushindu uvua ‘tshidikijilu tshia [tabernakle] ne tshidikijilu tshia bintu bionso bia kutekamu’? (Ekes. 25:9) [it-2-F dib. 1031 tshik. 5]

12. Ndilongesha kayi ditudi mua kupetela ku diandamuna divua Alona mupeshe Mose bua dienza dia lupingu lua kana ka ngombe? (Ekes. 32:24)

13. Ndilongesha kayi ditudi mua kupeta ku dileja dia ditabuja dia bena Isalele pakatumikilabu mukenji wa Yehowa udi mu Ekesode 34:23, 24?

14. Mulambu wa kuvuija nawu ditalala (anyi wa buobumue) uvua ne tshipatshila kayi? (Lew. 3:1)

15. Mmunyi mudi bualu bua dibanjija dia midimu ya Alona budi mu Lewitiki 8:23 buikale tshifuanyikijilu tshia bualu bua Yezu? [it-2-F dib. 460 tshik. 3; w68-F dib. 624 tshik. 24]