Mamanyisha
▪ Kashipu ne Tshimungu: Broshire yonso wa mabeji 32 wa ku idi ilonda eyi: Bukalenge bualua kuasa Mparadizu, Ikalayi ne muoyo wa kashidi ne disanka pa buloba!, Le nom divin qui demeure à jamais, “Monayi, Ndi mvuija bintu bionso bipiabipia,” Ntshinyi tshidi tshitufikila patudi tufua?, Nzambi utuku uditatshisha bua bualu buetu anyi?, Quel est le but de la vie? Comment le découvrir?, Padi muntu uudi munange ufua ne Tudi ne bua kuitabuja Busatu Bunsanto anyi? Kabitende: Ukadi mu njila wa muoyo wa tshiendelele anyi? Kasuamansense: Tshibumba tshia Nsentedi ne Réveillez-vous!
▪ Kubangila mu ngondo wa tshitema, batangidi ba bijengu nebende ne muyuki udi ne tshiena-bualu ne: “Tuikalayi ne ditabuja ne dikima bua kupita bimpe ne matuku atshilualua.”
▪ Sekretere wa tshisumbu udi ne bua kuikala ne bungi bukumbane bua formilere ya Dilomba dia mudimu wa bumpanda-njila bua pa tshibidilu (S-205) ne formilere wa Dilomba dia mudimu wa bumpanda-njila buambuluishi (S-205b). Nudi mua kulomba bintu ebi mu formilere wa Komande wa mikanda (S-14). Nudi mua kulama bungi bunudi mua kuenza nabu mudimu munkatshi mua tshidimu tshijima.
▪ Kumpala kua kutuma formilere ya Dilomba dia mudimu wa bumpanda-njila bua pa tshibidilu ku biro, sekretere wa tshisumbu udi ne bua kutangila bimpe bua kakuikadi muaba nansha umue udi mushale kauyi muuja bimpe. Bikala muntu udi uuja formilere kayi muvuluke bimpe dituku dia batismo wende, udi mua kutshinka ne nuenu kushala balame dituku adi. Sekretere udi ne bua kufunda dituku edi pa fishi wa mumanyishi eu.
▪ Mbia mushinga bua biro kuikalabi ne adrese ne nimero ya telefone mipiamipia ya batangidi-baludiki ne ya ba sekretere ba bisumbu bionso. Bikalaku dishintuluka nansha dîba kayi, Komite wa Mudimu wa Tshisumbu udi ne bua kutuma formilere wa Changement d’adresse du surveillant-président/secrétaire (S-29) muuja bimpe ku biro bia filiale ne lukasa luonso.
▪ Mmunyi mudi muntu mua kupeta wende Réveillez-vous! ne tshiende Tshibumba tshia Nsentedi? Bu mutshidiku kakuyi abonema ya Tshibumba tshia Nsentedi ne Réveillez-vous! (bibejibeji anyi bande ya kuteleja) kukadi mpindieu matuku mu miakulu yonso, mumanyishi yonso udi ne bua kupetela biende bibejibeji ne bande ya diteleja anu mu tshisumbu tshiabu. Bisumbu bidi anu mua kuuja formilere wa M-202 bua kulomba bande ya bibejibeji. Nudi mua kuenza mudimu ne formilere umue umu’eu bua kulomba kabidi bibejibeji bia mu miakulu mikuabu ne bifunda mu maleta manene. Bikala muntu mu teritware wenu ujinga bua kuikala upeta bibejibeji ebi pa tshibidilu, enzayi bua kapangidi nimero nansha umue to. Bantu bipata mu tshisumbu badi mua kupeta pabu bibejibeji anyi mikanda mikuabu ku tshitekedi tshia mikanda ne bibejibeji mu Nzubu wa Bukalenge. Kanuena ne bua kuela muntu muipata mu tshisumbu mu liste wenu wa bantu banutu ne tshibidilu tshia kuya kushila bibejibeji nansha. Bamanyishi kabena ne bua kufundila biro mikanda bua kulomba mikanda idibu nayi dijinga to. Dilomba dionso dia abonema dia muntu pa nkayende dia mushindu’eu, dienza kudi mumanyishi anyi kudi muntu mukuabu udi munange bulelela, nebadipingaje mu tshisumbu.
▪ Mmunyi mudi bantu badi mu buloko mua kupeta bibejibeji? Bikala tshisumbu tshikale ne nzubu wa buloko mu teritware watshi, ne kuikale mushindu wa kufila bibejibeji kudi bena buloko, bamanyishi badi mua kupesha bena buloko Tshibumba tshia Nsentedi ne Réveillez-vous! Muena buloko yeye muikale muntu muipata mu tshisumbu nudi anu mua kumupesha pende biende bibejibeji anu bu mudibi bileja mu tshikoso etshi.