Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 30 Tshimungu 2004. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 5 Kashipu too ne mu lua dia 30 Tshimungu 2004. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka Mudimu, dib. 36-37.]

NGIKADILU YA BUNGAMBA-MALU

1. Mmunyi mutudi mua kumvuija bualu bua ditekemena ditudi nadi ne “[lutulu ne kanemu kakole]”? (1 Pet. 3:15) [be dib. 192 tshik. 2-4]

2. Bua tshinyi bidi ne mushinga bua kuakula ne muoyo mujima? (Lomo 8:38, 39; 1 Tes. 1:5; 1 Pet. 5:12) [be dib. 194]

3. Mmushindu kayi utudi tuleja ne: tudi tuakula ne muoyo mujima? [be dib. 195 tshik. 3–dib. 196 tshik. 4]

4. Bukalanga ntshinyi, bua tshinyi budi ne mushinga ne mmunyi mutudi mua kutshintshikila ngikadilu eu ne diakula ne muoyo umue? (Lomo 12:18) [be dib. 197]

5. Kumpala kua kuakula, ntshinyi tshidi muntu udi ne bukalanga mua kutangila? (Nsu. 25:11; Yone 16:12) [be dib. 199]

MUDIMU NO. 1

6. Mmunyi mudi miyiki yetu ne tshibidilu tshietu tshia kulonga Bible mua kuleja bunene bua didiunda ditudi badiunde mu bulelela? [be dib. 74 tshik. 3–dib. 75 tshik. 2]

7. ‘Kudisumbila tshikondo’ kudi kumvuija tshinyi, ne mmunyi mutudi mua kuenza bualu ebu? (Ef. 5:16) [w02 15/11 dib. 22, 23]

8. Mmunyi mudi Bible uleja patoke ne: bantu bonso badi muomumue ku mêsu kua Nzambi, ne mmushindu kayi udi bualu ebu ne bua kulenga mudimu wetu wa buambi? [w02 1/1 dib. 5, 7]

9. Dîna disunguluke didi nadi Mufuki dia Yehowa didi ne diumvuija kayi? [w02 15/1 dib. 5]

10. Ntshinyi tshiakenza bua mulambu wa Abele wikale ‘mupite wa Kayina buimpe,’ ne ndilongesha kayi ditudi tupeta mu bualu ebu pa bidi bitangila ‘mulambu wetu wa kutumbisha nawu Nzambi’? (Eb. 11:4; 13:15) [w02 15/1 dib. 21 tshik. 6-8]

DIBALA DIA BIBLE DIA KU LUMINGU LUONSO

11. Mmushindu kayi udi Lewitiki 18:3 mua kutuambuluisha bua kuepuka dipeta lungenyi lukonyangale lua tshidi tshimpe ne tshidi tshibi? (Ef. 4:17-19) [w02 1/2 dib. 29]

12. Mu ngumvuilu wa tshiprofete, ‘mampa abidi’ avua muakuidi munene ufila bu ‘mulambu wa kunyukula’ mu Tshibilu tshia Mbingu (Pentekoste) avua tshimfuanyi tshia tshinyi? (Lew. 23:15-17) [w98 1/3 dib. 13 tshik. 21]

13. Padiku tshilumbu tshia masandi bu tshidibu bafunde mu Nomba nshapita 5, mmu ngumvuilu kayi muvua mukaji uvua muende mua ‘kubola tshibelu’? (Nom. 5:27) [w84-F 15/7 dib. 29]

14. Bua tshinyi Mîyama ne Alona bakajana Mose bua mukajende wa bena Kushi? (Nom. 12:1)

15. ‘Mukanda wa Mvita ya Yehowa’ uvua tshinyi? (Nom. 21:14)