Mushindu wa kufila bibejibeji
(Nuangate bia Mfualansa bikala bia Tshiluba kabiyiku)
Tshibumba tshia Nsentedi 15 Tshim.
“Lelu, bantu ba bungi badi bakeba miaba mishilashilangane mibelu idi mua kubambuluisha bua kumona mua kusomba bimpe mu mabaka abu ne kukolesha bana. Buebe wewe, nkuepi kudibu mua kupeta mibelu milenga eyi? [Lekela muntu andamune.] Tshibumba tshia Nsentedi etshi tshidi tshifila mibelu mimpe pa nsombelu wa dîku, mibelu ya Mufuki wa bantu.” Bala Musambu 32:8.
Réveillez-vous! 22 Tshim.
“Udi umona ne: mbimpe padi tatu uditatshisha bua bana bende anyi? [Lekela muntu andamune.] Réveillez-vous! eu udi wakula bua tshilumbu tshidi tshienda anu tshidiunda mu bantu; tshilumbu tshia batatu batu kabayi misangu ya bungi ku nzubu. Udi kabidi uleja mudi batatu mua kuambuluisha bana babu bimpe.” Bala Nsumuinu 13:1.
Tshibumba tshia Nsentedi 1 Kabit.
“Tuetu bonso tudi basue kuikala ne disanka, ki mmuomu anyi? Udiku wela meji ne: malu adibu batele muaba eu adi mua kupetesha muntu disanka menemene anyi? [Bala Matayo 5:4a, 6a, 10a, pashishe ulekele muntu andamune.] Tshibejibeji etshi tshidi tshifila diumvuija dia mêyi aa a mu Muyuki muende lumu uvua Yezu muenze pa mukuna ne tshidi tshileja kabidi malu makuabu atudi mua kuenza bua kuikala ne disanka.”
Réveillez-vous! 8 Kabit.
“Badi baleja ne: pa bantu 4, umue neapete disama dia mpala tshikondo kampanda mu nsombelu wende. Ndi mumanye ne: ba bungi ba kutudi wewe anyi meme mbamanye muntu udi nadi. [Bulula muaba udi tshiena-bualu.] Tshiena-bualu etshi tshidi tshifila ngenyi mimpe ya tshia kuenza padi mulela anyi mulunda wetu muikale ne disama edi.”