Mukanda wa kudi Biro

Bamanyishi ba Bukalenge basuibue,

Bajikiji didiundisha dia tshiapu tshia ku Wallkill tshia ditapa natshi mikanda ne tshikadi tshienza mudimu. Mbasemu biamu binene bibidi bia ditapa nabi mikanda, tshiamu tshionso tshidi mua kupatula bibejibeji 90 000 mu dîba dimue. Mbase kabidi biamu bikuabu bipiabipia bidi mua kuenza mikanda 120 ya bizubu bikole ku munite umue. Diumbusha dia biamu bia mikanda bua kubiasa ku Wallkill diakenzeja bua kupana lupangu ludi mu nimero wa 360 mu Furman Street mu Brooklyn. Bana betu badi mpindieu ne mudimu wa bungi wa kulongolola nzubu idi mu lupangu ludi mu nimero wa 117 mu Adams Street bua kubanga kuenzelamu midimu ivua yenzekela mu lupangu ludi mu nimero wa 360 mu Furman Street.

Diumbusha biamu ebi muaba uvuabi divua dilomba bana betu balume ne bakaji bafike ku 300 bua kumbuka ku Brooklyn kuya kasombela ku Wallkill. Bivua bilomba kabidi bua bana betu batue ku 100 badi batangila dilongolola ne dienza programe ya biamu bia ordinatere kumuangalabu ku Wallkill batangile ku Brooklyn muaba udibu mpindieu benzela midimu yonso idi itangila biamu bia ordinatere.

Bua mu filiale wetu wa Congo, mu ngondo muisambombo emu ki mutuajikiji kalasa ka kumpala ka batangidi bena-ngendu, kavua ne balongi 30. Tulasa tuonso tudibu balongolole mu filiale wetu tudi tutanu. Batangidi bena-ngendu betu nebalonge malu mimpe ikala ne bua kuambuluisha bisumbu bionso.

Bu mutudi batuadije tshidimu tshia mudimu tshia 2005, tuetu bonso pamue tudi batekemene se: ‘[Netuikale ne bia bungi bia kuenza] mu mudimu wa Mukalenge.’​—1 Kol. 15:58.

Bana benu,

Filiale wa Congo