Mamanyisha

▪ Mikanda ya kufila kutuadija mu dia 1-17 Kasuamansense: Tshibumba tshia Nsentedi ne Réveillez-vous! Pikala muntu muleje dijinga dia kumanya bia bungi, nudi mua kumupesha broshire wa Utulomba ne tshipatshila tshia kutuadija dilonga nende Bible. Kutuadija dia 18 Kasuamansense–dia 14 Kasuabanga: Kampanye ka pa buaku bua kuabanya broshire wa Nushale anu batabale! Dia 15-30 Kasuabanga: Netufile mukanda wa: Longa malu kudi Mulongeshi Munene. Biamba muntu ne: kêna ne bana, nudi mua kumupesha broshire wa Utulomba. Panudi nufila broshire eu, enzayi muenu muonso bua kutuadija malonga a Bible.

▪ Tshisakidila tshidi mu Mudimu wetu wa Bukalenge eu tshidi ne “Programe wa Kalasa ka Mudimu wa Nzambi bua 2005.” Nudi ne bua kutshilama bua tshidimu tshijima tshia 2005.

▪ Anu tshisumbu tshidi tshitangila stoke wa mikanda ku Nzubu wa Bukalenge yonso ke tshikala tshiuja formilere wa dilomba nende mikanda (S-14). Muanetu udi utangila mikanda udi ne bua kusangisha bungi bua mikanda idibu balomba kudi bisumbu bionso padiye uuja formilere wa dilomba dia mikanda. (Bala mukanda wa mu dia 1 Kashipu 1999 udi ne tshiena-bualu ne: Mêyi a kulonda bua kuenza emvantere wa mikanda ya Nzubu wa Bukalenge). Muanetu mutangidi wa mikanda eu udi ne bua kuikala ne lungenyi lua buena ludi mu Filipoi 2:4, pa kubenga kuikala ne kansungasunga padiye uuja dilomba dia mushindu eu. Formilere ya dilomba mikanda ya kudi bisumbu bikuabu bidi bishala bia mu Nzubu wa Bukalenge udi tshisumbu tshitangidi tshia mikanda kayena ya kuuja bua kuyituma to. Muanetu udi utangila mikanda udi ne bua kulama mêna mafunda muaba kampanda (bu mudi kaye) a bamanyishi bonso badi balomba bintu bitubu balomba ku dilomba dia pa buadi. Nanku nebimuambuluishe bua kujadika ne: muntu yonso mmupete tshintu tshivuaye mulombe. Muntu yonso udi wenza dilomba dia mushindu eu, udi ne bua kulongolola kumpala kua dîba dipa diafilaye bua bintu ebi bitu bitudisha makuta a bungi.

▪ Nimero wa Réveillez-vous! wa dia 22 Kasuamansense 2004 neikale ne tshiena-bualu etshi: “Matuku a ku ntuadijilu a muana​—ntshinyi tshidi baledi ne bua kuenza?” Pa kumona mushinga watshi, tshisumbu tshionso netshipete bibejibeji bia pa mutu 10 pa lukama bilondeshile bungi bututshi tshipeta pa tshibidilu.