Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 25 Kasuamansense 2004. Mutangidi wa kalasa nealombole diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 6 Kabitende too ne mu lua dia 25 Kasuamansense 2004. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Mmunyi mutudi mua kulama ngakuilu muimpe patudi tuenza muyuki udi wakula bua tshitupa kampanda tshia mudimu wetu wa bena Kristo? [be dib. 203 tshik. 3-4]

2. Diambulula dia malu ntshinyi, ne didi ne mushinga kayi? [be dib. 206 tshik. 1-4]

3. Mmunyi mutudi mua kuikala tushindika tshiena-bualu tshia miyuki yetu? [be dib. 210 tshik. 1-5, kazubu]

4. Mmunyi mutudi mua kujadika malu manene adi mu muyuki udibu batupeshe bua kuenza? [be dib. 212 tshik. 1-4]

5. Bua tshinyi bidi bikengela kudimuka bua malu manene kaapitshipitshi bungi? [be dib. 213 tshik. 2-4]

MUDIMU NO. 1

6. Mmalu kayi avua enzeka kumpala kua Mvula wa kabutu avua menzeje bua bantu kuela mpata muvua kabutu kakayi mua kulua kupita ne bintu bionso bivuaku? [w02 1/3 dib. 5-6]

7. Bua tshinyi mbiakane bua kumona muvua bena mu tshikondo tshia Yezu bamubikila ne: “Mulongeshi” pamutu pa “Muondapi”? (Luka 3:12; 7:40) [w02 1/5 dib. 4 tshik. 3; dib. 6 tshik. 6]

8. Mmunyi mudi Nsumuinu 11:24, 25 uleja bulenga bua kudifila bikole mu mudimu wa diyisha? [w02 15/7 dib. 30 tshik. 2-4]

9. Ntshilumbu kayi tshia bumfumu tshiakajulabu kudi buntomboji bua mu Edene, ne bipeta bivua mushindu kayi? (Gen. 3:1-6) [w02 1/10 dib. 5 tshik. 6; dib. 6 tshik. 2-3]

10. Mmunyi mudibu bafike ku dimanya tshidimu tshivuabu batuadijilule ntendelelu mulelela mu Yelushalema? [si-F dib. 285 tshik. 5]

DIBALA DIA BIBLE DIA KU LUMINGU LUONSO

11. Bu muvua Yehowa muambile Belâma bua kuya ne bantu ba Balaka, bua tshinyi wakalua kabidi kufika munda pavua Belâma muye nabu? (Nom. 22:20-22)

12. Mulume udi mua kushipa mitshipu ya mukajende muena Kristo anyi? (Nom. 30:6-8)

13. ‘Misoko ya kunyemena’ idi ileja tshinyi matuku aa? (Nom. 35:6) [w95 15/11 dib. 17 tshik. 8]

14. Dîyi didi mu Dutelonome 6:6-9 dia ‘kusuika mikenji ya Nzambi bu tshimanyinu ku tshianza ne pankatshi pa makiki’ tudi ne bua kudiumvua anu mudidi difunda ku muaku ku muaku anyi?

15. Tshiambilu tshia ne: “Bilulu bienu kabiakasunsuka” tshidiku tshiumvuija muvua bena Isalele bapeta bilamba bipiabipia pavua bivuabu nabi bisunsuka anyi? (Dut. 8:4)