Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kasuam.

“Bamue bantu badi bela meji ne: kuikala ne makuta a bungi kudi kubapetesha disanka dia bungi mu nsombelu wabu. Wewe udi umona ne: bidi nanku anyi? [Lekela muntu andamune.] Tangila tshivua muntu kampanda uvua ne bubanji bua bungi mufunde. [Bala Muambi 5:10.] Tshibejibeji etshi tshidi tshiakula bua malu a mushinga adi mapite bubanji.”

Réveillez-vous! 22 Kasuam.

“Bantu ba bungi batu bamona mudibi bia mushinga bua kutuadija kulongesha bana anu patshidibu batekete. Udi pebe mumone ne: ke mudibi bikengela kuenza lelu anyi? [Lekela muntu andamune. Pashishe bala Nsumuinu 22:6.] Nimero wa Réveillez-vous! eu udi uleja malu masunguluke adi baledi ne bua kuenza bua kukolesha bana babu bimpe ne kuluabu bantu bakole bashindame.”

Tshibumba tshia Nsentedi 1 Kasuab.

“Bantu ba bungi kabatu beyemena balombodi ba bana ba bantu bualu ki mbajikije ntatu idi mu bantu lelu to. Udiku wela meji ne: kudi muntu udi mua kukumbaja malu a buena adibu bambe mu mvese eyi anyi? [Bala Musambu 72:7, 12, 16. Pashishe lekela muntu andamune.] Tshibejibeji etshi tshidi tshiakula bua mulombodi uvuabu badianjile kumanyisha ne malu ikalaye ne bua kuenza.”

Réveillez-vous! 8 Kasuab.

“Kuenaku mumone pebe ne: bana badi dijinga ne mibelu bua kumonabu tshia kuenza padibu kumpala kua malu mabi adiku lelu anyi? [Lekela muntu andamune. Pashishe bala Efeso 6:4.] Tshibejibeji etshi tshidi tshikonkonona tshidi kubela ne kunyoka bana kumvuija bushuwa. Tshidi kabidi tshileja mushindu udi baledi mua kuludika bana ne kupesha bana dinyoka kabayi babatekesha mu mikolo.”