Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Luab.

“Bantu pa buloba bujima batu banyisha malongesha a Yezu. [Bala miaku idi mu dibeji 3, tshikoso 1.] Kadi, utuku umona ne: dilongesha bu mudi edi didi mu mvese eu didiku ne mushinga lelu anyi? [Bala Matayo 5:21, 22a. Lekela muntu andamune.] Tshibejibeji etshi tshidi tshileja malu avua Yezu mulongeshe ne mushindu udiwu mua kutuambuluisha.”

Réveillez-vous! 22 Luab.

“Bantu ba bungi batu banange kubandila bulenga bua mikuna, kadi utuku mumanye mushinga udi nawu mikuna bua muoyo utudi nawu pa buloba apa anyi? [Lekela muntu andamune.] Tshibejibeji etshi tshidi tshiumvuija diambuluisha didi nadi mikuna kutudi ne tshidi tshiyenzekela lelu’eu. Tshidi kabidi tshileja mushindu wikala Mufuki mua kukuba bintu ebi bia mushinga.” Bala Musambu 95:4.

Tshibumba tshia Nsentedi 1 Tshisa.

“Ukadiku mumvue bamba ne: mamanya a bantu ne Bible bidi bibengangana anyi? [Lekela muntu andamune.] Tshibejibeji etshi tshidi tshiumvuija malu a kale a muvua mamanya a bantu kaayi apetangana ne malu a bitendelelu. Kadi tshidi kabidi tshileja mudi mamanya malelela mikale apetangana ne Bible.” Leja dibeji 6-7. Pashishe bala Muambi 1:7.

Réveillez-vous! 8 Tshisa.

“Mmunyi mudi baledi mua kuambuluisha bana babu bua kuepuka imue ntatu ya mu tshikondo tshia bunsonga? [Lekela muntu andamune. Pashishe bala Yeshaya 48:17, 18.] Tshibejibeji etshi tshidi tshileja mudi ditumikila mibelu ya mu Bible mua kuambuluisha baledi bua kuikalabu bayukila bimpe ne bana babu ne bua kubelela mikenji idi mibakumbanyine mu nsombelu wabu.”