Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 27 Kabalashipu 2005. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 2 Lumungulu too ne mu lua dia 27 Kabalashipu 2005. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Bua tshinyi difuanyikija dia malu didi tshia mudimu tshimpe tshia kulongesha natshi? (Gen. 22:17; Mus. 1:3; Yak. 3:6) [be dib. 240 tshik. 2-4, kazubu]

2. Nkuepi kutudi mua kupetela bilejilu bidi bipatula malongesha a nsongo, kadi ntshinyi tshitudi ne bua kudimukila mu bualu ebu? [be dib. 242 tshik. 2-3]

3. Ntshinyi tshitudi ne bua kuvuluka patudi tusungula mifuanu bua kuikalayi mimpe menemene? [be dib. 244 tshik. 1-2]

4. Bua tshinyi tudi ne bua kuenza mudimu ne bintu bidi bantu bamona patudi tulongesha, ne mmunyi muvua Yehowa muenze nanku? [be dib. 247 tshik. 1-2, kazubu]

5. Mmunyi mutudi mua kuenza mudimu ne bintu bidi bantu bamona mu buambi? [be dib. 248 tshik. 1–dib. 249 tshik. 2]

MUDIMU NO. 1

6. Mmubelu kayi udi mu Dîyi dia Nzambi udi utangila dilongesha dia bana tulasa? [w03 15/3 dib. 12 tshik. 2; dib. 14 tshik. 4]

7. Mmunyi muvua Yehowa mutabalele Davidi patshivuaye nsongalume, ne mmunyi muvua Davidi muditatshishe pende bua Yehowa? [w03 15/4 dib. 29 tshik. 4; dib. 30 tshik. 3]

8. Bua tshinyi Yehowa wakanyisha mulambu wa Abele, ne abi bidi bitujadikila tshinyi? (Gen. 4:4) [w03 1/5 dib. 28 tshik. 4–dib. 29 tshik. 1]

9. ‘Dinyoka didi [Yehowa ufila]’ didi Nsumuinu 3:11 (MMM) utubela bua kubenga kupetula ntshinyi? [w03 1/10 dib. 20 tshik. 2-4]

10. ‘Kusanka ne bitudi nabi’ kudibu bambe mu 1 Timote 6:6-8 (MMM) kudi kumvuija tshinyi? [w03 1/6 dib. 9 tshik. 1-2; dib. 10 tshik. 1]

DIBALA DIA BIBLE DIA KU LUMINGU LUONSO

11. Malanda a buobumue a dinanga avua pankatshi pa Yonatana ne Davidi avua mundidimbi wa tshinyi? (2 Sam. 1:26) [w89-F 1/1 dib. 26 tshik. 13]

12. Ndilongesha kayi ditudi mua kupatula mu mushindu wa kumpala wakajinga Davidi kufikisha mushete wa tshipungidi ku Yelushalema? (2 Sam. 6:2-9)

13. Dutelonome 24:16 ne Yehezekele 18:20 udi wamba ne: muana kêna ne bua kufua bua bubi bua tatuende, kadi bua tshinyi pakenza Davidi ne Beta-sheba mpekatu muana wakalelabu ke wakafua? (2 Sam. 12:14; 22:31)

14. Mmunyi mutudi bamanye ne: malu avua Siba mufunde nawu Mefibosheta avua a dishima? (2 Sam. 16:1-4)

15. Bua tshinyi bualu buakenza Mefibosheta bua tshilumbu tshiende ne Siba budi tshilejilu tshimpe kutudi? (2 Sam. 19:24-30)