Mamanyisha

▪ Mikanda ya kufila mu Kabalashipu: Longa malu kudi Mulongeshi Munene. Biamba muntu ne: kêna ne bana, nudi mua kumupesha mukanda wa Disanka mu dîku anyi wa Dimanya. Nuenze muenu muonso bua kutuadija kulonga Bible ne bantu abu. Kashipu ne Tshimungu: Nudi mua kufila broshire kayi yonso wa mabeji 32 wa ku idi ilonda eyi: Bukalenge bualua kuasa mparadizu, Ikalayi ne muoyo wa kashidi ne disanka pa buloba!, Le nom divin qui demeure à jamais, “Monayi, Ndi mvuija bintu bionso bipiabipia,” Ntshinyi tshidi tshitufikila patudi tufua?, Nzambi utuku uditatshisha bua bualu buetu anyi?, Padi muntu uudi munange ufua, Quel est le but de la vie? Comment le découvrir?, Spiritu ya bafue​—Idi mua kukuambuluisha anyi kukuenzela bibi? Ituku menemene anyi?, Tudi ne bua kuitabuja Busatu Bunsanto anyi? ne Une vie pleinement satisfaisante: Comment? Kabitende: Nsapi wa disanka mu dîku.

▪ Nudi ne bua kusakidila kabidi mukanda wa Bulongolodi budi buenza disua dia Yehowa mu tshilaminu tshienu tshia mikanda tshia mu Nzubu wa Bukalenge. Nudi mua kupeta malu makuabu adi atangila tshilaminu tshia mikanda tshia mu Nzubu wa Bukalenge mu Mudimu wetu wa Bukalenge wa Luishi 2003 dibeji 5, ne mu Mudimu wetu wa Bukalenge wa Lumungulu 1997, mu kazubu ka Mandamuna ku nkonko yenu.

▪ Koku dijinga dia kupeta mikanda, bisumbu bidi mua kuyilombesha pa kutuma dibeji dia dilomba nadi mikanda (S-14) ku ngondo yonso. Kabitshiena kabidi ne mushinga bua kuindila too ne pandamunabu dilomba dia kumpala bua kushisha kutuma dikuabu nansha. Kadi sekretere nealame mabeji a dilomba ne dilomba dionso dia mikanda malondangane bimpe bua kubenga kuambulula dilomba dimue dimue dikavuabu benze kumpala, amba anu bikalabu basue kusakidila bungi bukuabu bua mikanda pa ikavuabu bamane kulomba.