Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshim.

“Patu bantu ba bungi bafuisha, batu badiebeja bua kumanya tshitu tshienzekela bafue. Buebe wewe, kudi mushindu wa kumanya tshidi lufu anyi? [Lekela muntu andamune.] Tshibejibeji etshi tshidi tshileja mudi Bible umvuija lufu. Tshidi tshiakula kabidi bua mudi Nzambi mulaye bua kubisha bantu batudi bafuishe.” Bala 1 Kolinto 15:26.

Réveillez-vous! 22 Tshim.

“Udiku mumanye bua se: bantu bapite bungi mu buloba bujima batu benza ngendu bua kumanya imue miaba anyi? [Lekela muntu andamune.] Ngendu eyi mmikebeshe ntatu ne masanka. Tshibejibeji etshi tshidi tshiakula bua masanka ne ntatu bidi ngendu eyi ikebesha. Tshidi kabidi tshifila mibelu mimpe bua bena ngendu aba badi baya mu matunga makuabu.”

Tshibumba tshia Nsentedi 1 Kabi.

Lelu eu, lulamatu nngikadilu muimpe utu bantu batamba kuanyisha kadi kabayi nende to. Nsombelu kavuaku mua kuikala muimpe bu bantu ba bungi bikale bu mulunda wa buena udi Bible wamba eu anyi? [Bala Nsumuinu 17:17. Pashishe lekela muntu andamune.] Tshibejibeji etshi tshidi tshiakula bua masanka adi muntu upeta padiye ne lulamatu kudi bena mu dîku diabu anyi diende ne kudi balunda bende.”

Réveillez-vous! 8 Kabi.

“Pamuapa diumvuangana didi mu bifukibua didi dikukemesha bikole. [Tela tshimue tshia ku bilejilu bidibu bafile.] Katuenaku tumona bibi padi bantu kabayi ne diumvuangana munkatshi muabu anyi? [Lekela muntu andamune.] Tshibejibeji etshi tshidi tshiumvuija muikala Nzambi mua kubueja ditalala ne diumvuangana pa buloba mu katupa kîpi emu.” Bala Yeshaya 11:9.